«Prama skažu, situacyja nie takaja, jak my dumali». Litoŭski palityk z hrupaj fiermieraŭ źjeździŭ na ekskursiju ŭ Biełaruś
Litoŭskaje vydańnie Delfi atrymała ad adnaho sa svaich čytačoŭ fatahrafiju z ekskursii fiermieraŭ Salečnickaha rajona ŭ Biełaruś. Siarod fiermieraŭ byŭ zaŭvažany i člen rady Salečnickaha rajona Tadevuš Rudzis.
«Fiermiery Salečnickaha rajona ( … ), atrymaŭšy avansavyja płaciažy za dekłaravanyja ziamielnyja ŭčastki ad Litvy i ES, źmiastoŭna praviali čas i tracili atrymanyja hrošy ŭ Biełarusi ŭ niezakonna abranaha prezidenta hetaj krainy Alaksandra Łukašenki na Minskim traktarnym zavodzie. Fiermiery Salečnickaha rajona pajechali ŭ krainu, dzie za kratami znachodzicca bolš za 1000 palityčnych źniavolenych, u ich liku i viadomy pravaabaronca, łaŭreat Nobieleŭskaj premii miru 2022 hoda Aleś Bialacki, u krainie, jakaja padtrymlivaje vajnu va Ukrainie», — aburaŭsia čałaviek, jaki dasłaŭ u redakcyju fota.
Tadevuš Rudzis, kali ŭ jaho spytali tłumačeńniaŭ adnosna hetaj situacyi, skazaŭ, što fiermiery, maŭlaŭ, prosta chacieli ahledzieć u Minsku traktarny zavod, jeździli pa ŭłasnaj inicyjatyvie, a ź biełaruskimi palitykami i ŭvohule pra palityku padčas hetaj pajezdki nibyta nie razmaŭlali.
«Ludzi chacieli źjeździć i pahladzieć. My dumali, źjeździm apošni raz, byli ŭ Finlandyi i padumali, a jakaja situacyja ŭ Biełarusi?
Viedajecie, prama skažu, situacyja nie takaja, jak my dumali. Zavod tam stary, nam nie vielmi spadabaŭsia. […] Jašče pabyvali ŭ Minsku», — raskazaŭ litoŭski rehijanalny palityk.
Pra toje, što pajezdka ŭ Biełaruś ujaŭlaje niejkuju niebiaśpieku, jon, maŭlaŭ, navat nie dumaŭ.
Kamientujučy pa prośbie redakcyi Delfi hety vypadak, palitołah i kiraŭnik vilenskaha ofisa Freedom House Vicis Jurkonis adznačyŭ, što dla litoŭskich hramadzian niebiaśpieka ŭ Biełarusi akurat moža być, bo «ŭ Biełarusi nichto nie moža harantavać biaśpieku čałavieka — ni litoŭskija, ni biełaruskija viedamstvy, ni toj, chto vas zaprosić, kali taki čałaviek jość».
«Kali minskamu režymu padasca, što vaš aryšt vyhadny, vyhadna zrabić vas zakładnikam, jon heta zrobić. I tut nichto nie dapamoža, heta nie pravavaja dziaržava», — zaŭvažyŭ palitołah.
Akramia taho, kožny padobny vizit vykarystoŭvaje i biełaruskaja prapahanda, prytym nie abaviazkova adrazu padčas vizitu.
Hramadzianam Biełarusi mohuć zabaranić słužyć u armii Litvy
Moža «ŭskryć rany nacyzmu» — što havorać niamieckija deputaty pra biznes ich kalehi ŭ Lidzie, dzie pracujuć palitviaźni
Łajfchak nie spracavaŭ. Biełarusy dumali trapić u Litvu pravieranym i chitrym sposabam, a ich nie puścili
Vielizarnyja čerhi, pravierka hrošaj u Litvie i transpartnaja inśpiekcyja ŭ Biełarusi. Kolki času ciapier zajmaje prachodžańnie miažy
Ciapier čytajuć
Palčys zajaviŭ, što heta jon kaardynavaŭ pratesty 2020 hoda ź Minska i pisaŭ płany pieršych maršaŭ23
Palčys zajaviŭ, što heta jon kaardynavaŭ pratesty 2020 hoda ź Minska i pisaŭ płany pieršych maršaŭ
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich2121
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich21
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary
Priedatieli rodiny.
Let po piať im v pleči.
Čtob nie dumali, čto mohut jezdiť kuda zachotiat.
"- u krainie, jakaja padtrymlivaje vajnu va Ukrainie» - kraina albo chunta,iakaja hetuju krainu zachapiła i ź jakoj vy da hetaj pary handlujecie, pradažnyja?