Zakonaprajekt prapanujuć pryniać ministr abarony i staršynia parłamienckaha kamiteta pa nacbiaśpiecy.
Litoŭcy, u jakich jość hramadzianstva krain, vyjezd u jakija zabaronieny ŭradam, nie buduć dapuskacca da prafiesijnaj vajskovaj słužby, da słužby ŭ dobraachvotnickich siłach, a taksama da inšych formaŭ dobraachvotnaj i abaviazkovaj vajskovaj słužby.
Kali asoba, jakaja ŭžo słužyć u armii, nabudzie hramadzianstva adnoj z hetych krain, jana budzie zvolnienaja z vajskovaj słužby. Papraŭki da zakona ŭžo zarehistravanyja, piša LRT.
Prafiesijnym vajskoŭcam zabaroniać vyjazdžać u niesłužbovy čas u krainy, jakija ŭjaŭlajuć pahrozu nacyjanalnaj biaśpiecy Litvy — siarod takich krain nazyvajucca Biełaruś, Rasija i Kitaj.
Ministr abarony Łaŭrynas Kaščunas ličyć, što isnuje ryzyka dla biaśpieki infarmacyi, źviazanaj ź dziejnaściu sistemy abarony, da jakoj jość dostup u asob z hramadzianstvam adnoj z takich krain. Akramia taho, jon aścierahajecca, što takija vajskoŭcy mohuć pa ŭłasnaj inicyjatyvie ažyćciaŭlać destruktyŭnuju dziejnaść suprać sistemy abarony i Litvy.
U ministerstvie ličać, što papraŭki pavinny harantavać, što hramadzianstva adnoj z krain sa śpisu varožych nie zrobić vajskoŭcaŭ patencyjnym abjektam cikavaści i viarboŭki z boku zamiežnych raźviedak i słužbaŭ biaśpieki, i što ŭ vypadku ŭzbrojenaha kanfliktu z takimi dziaržavami nie ŭźniknie pytańnia ab vykanańni vajskoŭcami svajho kanstytucyjnaha abaviazacielstva pa abaronie Litvy.
Ciapier čytajuć
Daśledčyki znajšli miesca ŭ Biełarusi, dzie bazujecca «Arešnik»4
Daśledčyki znajšli miesca ŭ Biełarusi, dzie bazujecca «Arešnik»
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2020
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ20
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary