Moža «ŭskryć rany nacyzmu» — što havorać niamieckija deputaty pra biznes ich kalehi ŭ Lidzie, dzie pracujuć palitviaźni
Niamieckija palityki vykazali svajo staŭleńnie da pradpryjemstva niamieckaha deputata i vykarystańnia na rabotach tam palityčnych viaźniaŭ, piša «Svaboda».
Jak stała viadoma raniej z publikacyi Reformby, deputat ad ultrapravaj partyi «Alternatyva dla Niamieččyny» Jorh Dornau razam z kampańjonami zasnavaŭ na Lidčynie pradpryjemstva dla vyroščvańnia cybuli.
Da rabot na im pryciahvali biełarusaŭ, źniavolenych z palityčnych matyvaŭ. Im płacili pa 5 eŭra na dzień, «kali bryhadzir paličyć pracu jakasnaj», a praviarać efektyŭnaść na svajoj mašynie pryjaždžaŭ sam Dornau.
Viaźni śniedali a 7-j ranicy, a zatym da 18:00 pracavali biaź jady.
Deputatka ad Sacyjał-demakratyčnaj partyi Niamieččyny Juljane Pfajl raskazała Ruskaj słužbie «Radyjo Svaboda», što štraf u 20 862 eŭra, jaki spahnali z Dornau, pryznačyli na padstavie źviestak, padadzienych samym deputatam. Prezydyjum patrabavaŭ ad deputata dać padrabiaznuju infarmacyju, ale toj adkazaŭ daloka nie na ŭsie pytańni.
«Padobnyja pavodziny dazvalajuć dumać, što za hetym staić niešta bolšaje», — skazała Pfajl, kamentujučy momant, što Dornau nie raskryŭ padrabiaznych źviestak pra toje, jakuju vyhadu atrymlivaŭ nasamreč.
Pfajl adznačyła, što ŭ Niamieččynie viadzieńnie biznesu navat u krainie z dyktatarskim režymam, jak u Biełarusi, nie źjaŭlajecca čymści zabaronienym. Ale pry hetym siońniašni zakon abaviazvaje ŭsich deputataŭ paviedamlać pra ŭvieś svoj biznes i paralelnyja dachody.
Asabista Jorh Dornau i frankcyja «Alternatyva dla Niamieččyny» na zapyt «Svabody» nie adkazali.
Śviatłana Cichanoŭskaja vykazałasia pra sytuacyju ŭ kamentary Tagesspiegel:
«Supracoŭnictva z režymam Łukašenki i jahonymi represiŭnymi instytutami amaralnaje. Na žal, u ludziej u Biełarusi zabranyja ichnyja pravy. Tyja, chto siadziać u turmie, u tym liku palitviaźni, razhladajucca ŭładami jak raby i zakładniki».
Pradstaŭnica va ŭnutrypalityčnych pytańniach u landtahu ad «Levych» Kierstyn Kiodyc skazała, što, kali padazreńni paćvierdziacca, Jorhu Dornau daviadziecca skłaści deputackija paŭnamoctvy.
Jana ličyć, što takaja taktyka pradprymalnictva moža «naškodzić reputacyi Niamieččyny», a taksama «ŭskryć rany nacyzmu ŭ našych uschodnich susiedziaŭ».
Paśla vybaraŭ 1 vieraśnia landtah jašče farmuje novy skład, ale Jułjane Pfajl spadziajecca, što dziejnaść Dornau u Biełarusi stanie temaj dla dyskusii.
Deputat Bundestahu ad Chryścijanska-demakratyčnaha źviazu (CDU), namieśnik staršyni Parlamenckaha kantrolnaha kamitetu Roderych Kizeveter nazvaŭ dziejnaść Dornau u Biełarusi «vielmi padazronaj» i zapatrabavaŭ terminovaha tłumačeńnia padazreńniaŭ u tym, što na pradpryjemstvie vykarystoŭvałasia praca palitviaźniaŭ. Kizeveter padkreśliŭ:
«Mianie nia ździvić, kali hetyja padazreńni paćvierdziacca. «Alternatyva dla Niamieččyny» zaŭsiody vyznačałasia svajoj blizkaściu i suviaziami z dyktaturami ŭ Rasiei i Biełarusi. Byli pajezdki siabroŭ partyi ŭ Biełaruś, a ŭ cełym AfD faktyčna źjaŭlajecca pasiarednikam Kramla ŭ Niamieččynie, stała zajmajecca razbureńniem demakratyčnaha dziaržaŭnaha ładu». Pa słovach kanservatyŭnaha palityka, kali paćvierdziacca abvinavačańni ŭ vykarystańni prymusovaj pracy, deputat AfD pavinien atrymać kryminalnaje pakarańnie.
Parlamencki dyrektar i pradstaŭnik va ŭnutrypalityčnych pytańniach frakcyi «Źviaz 90-ch/Zialonyja» ŭ saksonskim parlamencie Valancin Lipman skazaŭ «Svabodzie», što biznes Dornau u Biełarusi pakazvaje, nakolki biessaromna pradstaŭniki AfD zaklučajuć uhody z aŭtakratyčnymi systemami. Pavodle jaho, nieabchodna zadacca pytańniem, jakija sustrečnyja pasłuhi Dornau akazvaje režymu Łukašenki ŭ Niamieččynie.
«Takija ludzi pavinny być nie ŭ parlamencie, a ŭ fokusie kontravyviedki», — kanstatavaŭ palityk.
Raniej Reform.news vyśvietliŭ, što niamiecki biznesoviec, deputat parlamentu ziamli Saksonija ad pravaradykalnaj partyi «Alternatyva dla Niamieččyny» (AfD) i ŭładalnik TAA «Cybulka-Bieł» Jorh Dornau zaklučyŭ pahadnieńnie ź lidzkim Centram izalacyi pravaparušalnikaŭ i rehularna pryciahvaŭ biełarusaŭ, asudžanych pavodle palityčnych artykułaŭ, dla pracy na svajoj plantacyi pad Lidaj.
Juryst ź Niamieččyny Ferdynand Miuler z hetaj nahody padaŭ zajavu ab zaviadzieńni kryminalnaj spravy suprać Dornau.
Kamientary
Kak znať, o čiem Łukašienko dohovarivałsia v Łondonie, da, pososuški?