Padrabiaznaści zdareńnia ŭ Chojnikach, dzie voŭk napaŭ na vartaŭnika i milicyjantaŭ
Vartaŭnika Michaiła znajšli ŭ kryvi.
Padrabiaznaści raskazali ŭ siužecie ANT.
Zdareńnie adbyłosia 26 listapada na fiermierskaj haspadarcy ŭ Chojnickim rajonie. Voŭk napaŭ na vartaŭnika Michaiła Tarasienku, toj, pakul adbivaŭsia, atrymaŭ traŭmy, ale zmoh schavacca ŭ padsobcy. Jaho žonka vyklikała milicyju.
Kali tyja pryjechali, vartaŭnik byŭ u kryvi, u jaho była pakusanaja ruka i naha.
U balnicy Michaił raskazaŭ, što pierad napadam vaŭka jon vyjšaŭ na dvor na brech sabak. Raptam voŭk skočyŭ na jaho i pavaliŭ na ziamlu, učapiŭsia ŭ nahu. Vartaŭnik schapiŭ ścisnutuju nižniuju skivicu vaŭka, utrymlivaŭ jaje, a druhuju ruku zasunuŭ jamu ŭ pašču, kab asłabić chvatku. Potym staŭ bić vaŭka pa žyvacie — i narešcie zmoh vyrvacca i schavacca.
Kali pryjechali milicyjanty, voŭk chavaŭsia za sienavałam, a potym staŭ rykać na ich. Siłaviki źviera prystrelili.
Viaskoŭcy ličać, što voŭk pryjšoŭ ź lesu na roŭ i pach bykoŭ. Raniej tut takich napadaŭ nie zdarałasia.
Voŭk, jaki napaŭ na vartaŭnika, byŭ chvory na šalenstva.
Pa nazirańniach, vaŭki na hetuju terytoryju prychodziać z Paleskaha radyjacyjna-ekałahičnaha zapaviednika. Heta zakrytaja Čarnobylskaja zona — tam adstrelvać vaŭkoŭ zabaroniena, tamu ich papulacyja tam raście.
Ciapier čytajuć
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»24
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary