Piensijanierka pradała kvateru i addała ašukancam 100 tysiač rubloŭ. Jana admaŭlałasia vieryć, što jaje padmanuli
Častku hrošaj žančyny vyratavała rabotnica banka, jakaja zapadozryła niadobraje.
Supracoŭnica minskaha banka źviarnuła ŭvahu na padazronyja apieracyi z bujnymi sumami hrošaj, jakija pravodziła 69-hadovaja minčanka. Kali bankaŭskaja rabotnica spytała ŭ piensijanierki, ci nie stała jana achviaraj machlaroŭ, klijentka nie adkazała i źbiehła, pakinuŭšy svaju bankaŭskuju kartu.
Paźniej vyśvietliłasia, što piensijanierka sapraŭdy stała achviaraj machlaroŭ, ale ad strachu i razhublenaści doŭhi čas admaŭlała heta i nie vieryła, što jaje padmanuli.
Jak paviedamlaje MUS, žančyna była na suviazi sa złačyncami ź listapada. Za hety čas jana pieraviała machlaram kala troch tysiač rubloŭ z asabistych źbieražeńniaŭ i bolš za čatyry tysiačy kredytnych srodkaŭ.
Pavodle instrukcyj machlaroŭ, žančyna pradała svaju kvateru za 170 tysiač rubloŭ. Častku hetych hrošaj jana taksama adpraviła nieviadomym. Złamyśniki pierakanali jaje, što jana «dekłaruje svaje srodki» i «ratuje žyllo ad machlaroŭ».
Kab zrabić historyju bolš praŭdapadobnaj, jany vychodzili ź joj na videasuviaź, vykarystoŭvajučy simvoliku siłavikoŭ.
Dziakujučy pilnaści bankaŭskaj supracoŭnicy, udałosia vyratavać kala 80 tysiač rubloŭ piensijanierki.
Adnak u cełym žančyna paśpieła pieravieści złačyncam nie mienš za 100 tysiač rubloŭ, jakija ŭžo byli vyviedzieny na zamiežnyja rachunki.
Kamientary