Da 4-5 sutak u čarzie. Na vyjeździe ź Biełarusi ŭ Jeŭropu bieźlič aŭto
Pierad Novym hodam mnohija biełarusy jechali ź Jeŭropy dadomu i pravodzili da troch sutak u čarzie na miažy. Śviaty skončylisia, i narod pačaŭ viartacca. Vyhladaje, što viartańnie budzie jašče bolš praciahłym pa časie.
Polšča
Tradycyjna najbolš zahružany pierachod — «Brest», adziny dziejny punkt propusku na miažy z Polščaj.
Pa stanie na 14 hadzin 5 studzienia, vyjezdu ź Biełarusi ŭ Polšču čakali bolš za 1800 lehkavych aŭto.
Siońnia dniom u Polšču traplajuć tyja mašyny, jakija stali ŭ čarhu na vyjezd jašče 3 studzienia.
U padarožnikaŭ, jakija zarehistravalisia ŭ čarzie nočču 3 studzienia i byli 843-mi na vyjezd, pajšło roŭna dvoje sutak na toje, kab dabracca da šłahbauma na biełaruskim baku.
Na samo prachodžańnie miažy sychodzić jašče ad 5 da 8 hadzin.
Ludzi, jakija stali ŭ čarhu ŭčora i byli 1306-mi na vyjezd ź Biełarusi, pišuć, što praz sutki stali 930-mi.
Tamu tym, chto siońnia prachodzić miažu paśla dvuch sutak u čarzie, mohuć mocna pazajzdrościć tyja, chto pryjechaŭ tudy ŭčora abo tolki ciapier.
Z ulikam taho, kolki mašyn prajazdžaje praz «Brest» za sutki, tyja, chto pryjechaŭ na miažu 5 studzienia, trapiać u Polšču nie raniej za 9 studzienia, to-bok praz čaćviora sutak.
Tym nie mienš, u adroźnieńnie ad čarhi z polskaha boku, pry vyjeździe ź Biełarusi praz «Brest» fizična znachodzicca ŭvieś čas u čarzie nie abaviazkova.
Z 1 kastryčnika lehkavym aŭto dastatkova pryjechać na miažu i zarehistravacca ŭ elektronnaj čarzie za 12,60 rubla. Paśla čaho možna źjazdžać i čakać svaju čarhu ŭ lubym miescy. Heta maksimalna zručna dla žycharoŭ Bresta i vakolic, ale kali razmova idzie pra čarhu na 3-4 sutak, to navat viartańnie ŭ Viciebsk budzie mieć sens — hałoŭnaje potym svoječasova viarnucca ŭ zonu čakańnia.
Za tym, jak ruchajecca čarha, možna sačyć anłajn, a za dadatkovuju płatu možna zamović SMS, jakoje pryjdzie za hadzinu da taho, jak vam treba budzie viarnucca na miažu.
Jak z aŭtobusami?
Situacyja z aŭtobusami vyhladaje krychu bolš pazityŭna. Vyjezdu ź Biełarusi pierad punktam propusku čakaje 65 aŭtobusaŭ.
Kab nie marnavać čas, ludzi pa mahčymaści pierasadžvajucca ŭ bližejšyja aŭtobusy. Padarožnik, jaki kala 12-j hadziny 4 studzienia za 50 jeŭra padsieŭ u 11-ty aŭtobus, prajšoŭ miažu a 6-j ranicy 5 studzienia, to-bok praz 18 hadzin, što možna nazvać davoli paśpiachovym vynikam.
Paźniej u čatach pačała źjaŭlacca infarmacyja, što volnyja miescy jość nie raniej za 15-20 aŭtobus, tamu navat ź pierasadkaj prachodžańnie miažy na aŭtobusie zajmaje minimum sutki.
U admysłovych čatach ludzi aktyŭna šukajuć mahčymaść padsieści ŭ aŭto. Za pravoz čałavieka praź miažu prosiać ad 50 da 70 dalaraŭ.
Niekatoryja adrazu paznačajuć canu: naprykład, za pravoz praź miažu dvuch darosłych z dvuma dziećmi ludzi hatovyja zapłacić 200 dalaraŭ.
Ciapierašnija čerhi ź lehkavikoŭ rekordnyja. Naprykład, letaś, kali biełarusy taksama masava viartalisia ź Biełarusi ŭ ES, u pikavyja paślaśviatočnyja hadziny čarha na «Breście» dasiahała maksimum 260 mašyn suprać 1800 ciapier.
Čamu tak adbyvajecca?
Asnoŭnaja pryčyna ŭ tym, što Litva viasnoju zakryła jašče dva punkty propusku na miažy ź Biełaruśsiu, a paźniej zabaraniła ŭjazdžać na aŭto ź biełaruskimi numarami z boku Biełarusi aproč vypadkaŭ, kali ŭłaśnik maje mienavita litoŭskuju vizu abo DNŽ.(vyjazdžać ź Litvy ŭ Biełaruś možna biez abmiežavańniaŭ). Ale taki pierachodny pieryjad budzie dziejničać tolki da 18 studzienia 2025 hoda. Paśla hetaj daty znachodžańnie aŭto ź biełaruskimi numarami ŭ Litvie budzie całkam zabaroniena.
Aproč hetaha, z 16 lipienia 2024 hoda Łatvija zabaraniła ŭjezd na aŭto ź biełaruskimi numarami. Takim čynam atrymałasia, što adzinym šlacham viarnucca ź Biełarusi ŭ Jeŭrasajuz na aŭto zastaŭsia punkt propusku «Brest» (vyklučeńnie tolki dla ŭładalnikaŭ litoŭskich viz, DNŽ abo hramadzianstva ES), što ŭ vyniku pryviało da kałapsu na miažy.
Litva
Na miažy ź Litvoj čerhi ź lehkavikoŭ taksama jość, ale jany nie vialikija. Pa stanie na 16 hadzin vyjezdu ź Biełarusi ŭ Litvu čakali kala 100 mašyn u «Kamiennym Łozie» i kala 70 u «Bieniakoniach».
Łatvija
Na vyjezd ź Biełarusi ŭ Łatviju čerhaŭ ź lehkavych aŭto niama.
-
U Maskvie mužčyny masava sprabujuć znajomicca, macajučy dziaŭčat za jahadzicy. Tak zahadaŭ rabić seks-koŭč ź Biełarusi
-
Z 1 vieraśnia biełarusam, što jeduć u Łatviju, treba budzie zarehistravacca na śpiecyjalnym partale i zapoŭnić ankietu
-
Śpiecsłužby pad vyhladam «druku simvoliki i ściahoŭ» sprabujuć padbić biełarusaŭ zamiežža pieradać svaje asabistyja źviestki
U Maskvie mužčyny masava sprabujuć znajomicca, macajučy dziaŭčat za jahadzicy. Tak zahadaŭ rabić seks-koŭč ź Biełarusi2
Kamientary