«Padvierhnuŭsia krytycy za maładušnaść». Jak ułady viaduć śpisy niełajalnych siłavikoŭ i spartsmienaŭ
«Kibierpartyzany» paviedamili, što va ŭzłamanych imi ŭnutranych sietkach dziaržaŭnych ustanoŭ sustrakajucca śpisy ludziej peŭnych prafiesij, zaŭvažanych u niełajalnaści režymu Łukašenki. U jakaści prykładaŭ jany apublikavali niekalki skrynoŭ z takich śpisaŭ, na jakich fihurujuć spartsmieny i byłyja supracoŭniki sistemy MUS.
«Žudasnyja nasamreč śpisy, prasiaknutyja ducham stalinskich časoŭ, u jakich zachrasła łukašenkaŭskaja chunta», — kamientujuć hetyja materyjały «Kibierpartyzany», adznačajučy, što navat paśla zvalnieńnia represiŭnyja struktury imknucca adsočvać, dzie znachodziacca i pracujuć ludzi, pryznanyja niełajalnymi.
U jakaści padstaŭ dla zvalnieńnia čaściej za ŭsio ŭ hetych śpisach sustrakajecca farmuloŭka «prytrymlivaŭsia apazicyjnych pohladaŭ, nie padtrymlivaŭ dziejnuju ŭładu». Ale byvajuć i inšyja, bolš kankretnyja pryčyny:
- dvojčy padvierhnuŭsia krytycy za maładušnaść pry vykanańni słužbovych abaviazkaŭ pa zatrymańni hramadzian z BČB-akcyj;
- zaklikaŭ kaleh zvalniacca z AUS;
- blizkija členy siamji nie padtrymlivali dziejučuju ŭładu, udzielničali ŭ pratesnych mierapryjemstvach, nastajali na zvalnieńni;
- zrabiŭ repost z ekstremisckaha kanała;
- raźmiaściŭ u internecie infarmacyju, jakaja dyskredytuje dziaržaŭnyja orhany;
- nie zhodny ź biahučaj palityčnaj situacyjaj u krainie;
- łajki ŭ sacsietkach BČB-aktyŭnaści;
- prahałasavaŭ za alternatyŭnaha kandydata ŭ prezidenty;
- niazhoda z vynikam vybaraŭ.
Ministr Ivan Kubrakoŭ i daradca ministra abarony Ukrainy Alaksandr Kubrakoŭ — svajaki? Nie, fejk
Stała viadoma, dzie ciapier pracuje były vysokapastaŭleny hubazikaviec Cichinia, jakoha abvinavačvali ŭ karupcyi
Kibierpartyzany ŭzłamali niekalki rehijanalnych sajtaŭ i zapoŭnili ich vinšavańniami z Pahoniaj
Ciapier čytajuć
Siarhiej Cichanoŭski zapuściŭ svoj jutub-kanał ź vieršami i kazkami91
Kamientary
Pavaha za mužnaść i čałaviečnaść hetamu "maładušnamu".
Priamo kak "obviniajetsia v nieponimanii".