Dva biełaruskija miedyjaprajekty abjavili pra krytyčnyja prablemy ź finansavańniem
Prajekt Fondu miedycynskaj salidarnaści «Biełyja chałaty» i miedyjaprajekt «Supolnaść čyhunačnikaŭ Biełarusi» paviedamili, što sutyknulisia z mocnymi finansavymi prablemami, i paprasili padtrymki ŭ svajoj aŭdytoryi.
«Kali ŭ najbližejšy čas my nie znojdziem finansavańnie, pad pahrozaj akažacca ŭsio, što my robim. I biez vašaj dapamohi my možam nie pieražyć hety kryzis […] Naša praca zasnavanaja na hadach znosin z daktarami, pacyjentami i insajdarami sistemy. My viedajem, što adbyvajecca na samaj spravie. U nas jość viedy i dośvied, jakich niama bolš ni ŭ kaho», — havorycca ŭ zvarocie «Biełych chałataŭ».
«Užo bolš za piać miesiacaŭ my pracujem za košt ułasnych, nadzvyčaj abmiežavanych srodkaŭ, jakija na hety momant całkam vyčarpalisia. Kab u najbližejšyja miesiacy praciahnuć našu pracu i zabiaśpiečyć funkcyjanavańnie prajekta «Supolnaść čyhunačnikaŭ Biełarusi», a taksama vykanać finansavyja abaviazacielstvy pierad udzielnikami prajekta i tymi, chto supracoŭničaje z nami ŭnutry struktury Biełaruskaj čyhunki, nam patrebnaja vaša padtrymka», — adznačajecca ŭ zajavie «Supolnaści čyhunačnikaŭ Biełarusi».
Fond miedycynskaj salidarnaści Biełarusi byŭ stvorany ŭ 2020 hodzie, kab infarmavać suśvietnuju miedycynskuju supolnaść ab prablemach u biełaruskim achovie zdaroŭja. Źbiraje infarmacyju pra represii ŭ prafiesijnym asiarodździ, prasoŭvaje intaresy biełaruskich miedykaŭ za miažoj, źbiraje hrošy na karyść pieraśledavanych kaleh i inš.
Prajekt «Supolnaść čyhunačnikaŭ Biełarusi» infarmuje pra toje, što adbyvajecca ŭ śfiery čyhunačnaha transpartu, u pryvatnaści, pra ruch tavarnych ciahnikoŭ pamiž Biełaruśsiu i Rasijaj z metaj praciahvańnia vajny va Ukrainie.
Abodva prajekty pryznanyja ŭładami adpaviedna ŭ 2023 i 2024 hadach «ekstremisckimi farmavańniami».
Administracyja Trampa zajaŭlaje, što skaračaje 90% kantraktaŭ USAID na zamiežnuju dapamohu
Kitaj pačaŭ prapanoŭvać krainam svajo finansavańnie zamiest USAID
Ci varta biełaruskim niezaležnym miedyja brać hrošy ŭ Chadarkoŭskaha? Adkazvajuć Knyrovič, Stryžak i Paŭlučenka
«Nieviadoma, kali my atrymajem nastupny zarobak». Jak prypynieńnie padtrymki ad ZŠA paŭpłyvała na biełaruskija ŚMI i NDA
Kamientary
Idzicie ŭ Infapoint da Viačorki i svajoj lidarki!
Nachalery vy patrebnyja - NN nam dastatkova!