Rasija abdumaje prapanovu ab 30-dzionnym spynieńni ahniu va Ukrainie, zajaviŭ pres-sakratar prezidenta RF Dźmitryj Piaskoŭ u kamientary kanału CNN, piša The Moscow Times.
«Nam nieabchodna abdumać heta. Heta novaje raźvićcio padziej. U nas jość svaja pazicyja», — adznačyŭ jon.
Piaskoŭ taksama nahadaŭ, što Uładzimir Pucin «niekalki dzion tamu abviaściŭ ab trochdzionnym spynieńni ahniu», adnak, pa słovach pres-sakratara kiraŭnika dziaržavy, Kijeŭ nibyta nijak na heta nie adreahavaŭ.
«Ci čuli vy krytyku ŭ adras Kijeva za toje, što jon nie choča dać adkaz? Nie», — padkreśliŭ jon.
Uładzimir Pucin abviaściŭ pra časovaje spynieńnie ahniu z paŭnočy 7 maja pa poŭnač 11 maja — u suviazi sa śviatkavańniem 80-hodździa Pieramohi. Adnak ukrainski bok, nasupierak śćviardžeńniam Piaskova, adrazu adkazaŭ na hetuju inicyjatyvu: prezident Uładzimir Zialenski vystupiŭ z prapanovaj ab bolš praciahłym i značnym kroku — poŭnym spynieńni ahniu terminam na 30 dzion.
Da inicyjatyvy Zialenskaha nieŭzabavie dałučyŭsia prezident ZŠA Donald Tramp. Jon zaklikaŭ abodva baki — Kijeŭ i Maskvu — spynić bajavyja dziejańni «biez papiarednich umoŭ» minimum na miesiac. Bolš za toje, Tramp jasna daŭ zrazumieć, što ŭ vypadku parušeńnia Rasijaj režymu cišyni ZŠA i ich chaŭruśniki ŭviaduć novyja sankcyi.
U Maskvie prapanovu Zialenskaha pieršapačatkova faktyčna adkinuli. Śpiarša Piaskoŭ zajaviŭ ab nieabchodnaści «abmierkavać niuansy», a paźniej zapatrabavaŭ prypynić pastaŭki ŭzbrajeńniaŭ Ukrainie dla pačatku pieramirja.
Styŭ Uitkaf padčas sustreč z Pucinym karystaŭsia pasłuhami štatnych pierakładčykaŭ z Kramla
Zachad padrychtavaŭ płan pieramirja pamiž Rasijaj i Ukrainaj
Starmier i Makron adchilajuć patrabavańnie Pucina spynić vajskovuju dapamohu Ukrainie dla 30-dzionnaha spynieńnia ahniu
Kreml zapatrabavaŭ dla pačatku 30-dzionnaha pieramirja spynić pastaŭki zbroi Ukrainie
Anžalika Mielnikava tydzień praviała na Šry-Łancy i vylecieła ź dziećmi ŭ Dubaj37
Kamientary