Śviet77

Styŭ Uitkaf padčas sustreč z Pucinym karystaŭsia pasłuhami štatnych pierakładčykaŭ z Kramla

Śpiecpradstaŭnik prezidenta ZŠA pa pytańniach Blizkaha Uschodu Styŭ Uitkaf karystaŭsia padčas troch vizitaŭ u Rasiju štatnymi pierakładčykami administracyi prezidenta Rasii Uładzimira Pucina. Takim čynam Uitkaf parušaŭ dypłamatyčny pratakoł, piša NBC News.

Styŭ Uitkaf padčas pieramoŭ z Pucinym. Fota: Kremlin Press Office / Handout/Anadolu via Getty Images

Pakolki Styŭ Uitkaf nie viedaje ruskaj movy, to jon pavinien byŭ by mieć ułasnaha pierakładčyka dla taho, kab vieści pieramovy z Pucinym. Karystańnie ž pasłuhami kramloŭskich pierakładčykaŭ pryviało da taho, što Uitkaf moh nie razumieć, pra što pierakładčyk havaryŭ z Pucinym u jahonaj prysutnaści.

Taksama Uitkaf nie braŭ z saboj na sustrečy z Pucinym daradcaŭ ź liku amierykanskich ekśpiertaŭ. Takim čynam, jon ryzykavaŭ tym, što niekatoryja niuansy ŭ paviedamleńniach Pucina buduć prapuščanyja, i jon nie zmoh by samastojna pravieryć toje, što jamu kazali.

Pry hetym Uładzimir Pucin udzielničaŭ u pieramovach nie sam — ź im byli jahony daradca Juryj Ušakoŭ i śpiecpradstaŭnik pa pytańniach ekanamičnaha supracoŭnictva Kirył Dźmitryjeŭ.

Prysutnaść pierakładčyka z ZŠA taksama zabiaśpiečvaje bolš dakładnuju piśmovuju spravazdaču pra sustreču dla administracyi prezidenta ZŠA. Adsutnaść padrabiaznych natatak pra sustrečy moža stvaryć prablemy dla inšych vysokapastaŭlenych členaŭ administracyi Trampa, takich jak dziaržsakratar Marka Rubia i śpiecyjalny pasłańnik Trampa pa Ukrainie Kit Kiełah.

Adsutnaść natatak z hetych sustreč abo ich niedakładnaść taksama vyklikaje pytańni adnosna kanfidencyjnaj infarmacyi, jakuju Styŭ Uitkaf moh raskazać Pucinu padčas sustreč, piša vydańnie.

Styŭ Uitkaf sustrakaŭsia z Uładzimiram Pucinym z pačatku svajoj pracy ŭ administracyi prezidenta Donalda Trampa 4 razy. 25 krasavika ich sustreča ŭ Maskvie doŭžyłasia bolš za 3 hadziny, a 11 krasavika u Sankt-Pieciarburhu — bolš za 4.

Kamientary7

  • Nia tolki
    10.05.2025
    Nia tolki parušeńnie dyplamatyčnaha pratakołu, ale jašče prykmieta nieachajnaści administracyi Trampa (što heta za administracyja, jakaja nia moža znajści pierakładčyka, choć zvyčajna mienavita jana za heta i adkazvaje?) plus nierazumieńnie, što pierakładčyki dyktatara mohuć tabie napleści ŭsio što zaŭhodna ŭ jahonych intaresach. Ale, viadoma, heta my ničoha nie razumiejem, Treba Čytać Pieršakrynicy, Treba słuchać Nacyjanalnaha Lidera, heta čarhovaja Lapidarnaja Šmatchadovačka ŭ 999D-šachach, a chto nie razumieje, toj levaliberał.
  • Niŝieta
    10.05.2025
    U amierikanciev niet dienieh na svojeho pierievodčika?
  • Niŝieta
    10.05.2025
    Protokoła u amierikanciev tožie niet. Kto čto skazał možno vyvoračivať naiznanku. Kakoje łapidarnoje ubožiestvo.

Ciapier čytajuć

Cichanoŭski raskazaŭ, što treba było rabić u žniŭni 2020-ha63

Cichanoŭski raskazaŭ, što treba było rabić u žniŭni 2020-ha

Usie naviny →
Usie naviny

«Nie viedaju, što vy tam vypraŭlali, ale minus jak byŭ tak i zastaŭsia». Klijenty bankaŭ praciahvajuć skardzicca na niapravilnyja bałansy3

Papularnaja minskaja šaŭrmiennaja trapiła ŭ skandał. Što zdaryłasia2

U Mahilovie padčas niepahadzi žančynu zabiła drevam, jašče čatyry čałavieki paciarpieli

Biełaruska paśla płatnaj miedycyny pajšła ŭ dziaržaŭnuju i raskazała svaje ŭražańni7

U Abu-Dabi pačalisia pieramovy Pašyniana i Alijeva3

Čarha na polskaj miažy kančatkova rassmaktałasia2

Kiełah: Ukrainie patrebny novy «Płan Maršała»4

Nie tolki «kitajcy». Jakija biudžetnyja novyja aŭto prapanuje biełaruski rynak8

Kijeŭ zaznaŭ masiravanuju ataku dronami i balistykaj

bolš čytanych navin
bolš łajkanych navin

Cichanoŭski raskazaŭ, što treba było rabić u žniŭni 2020-ha63

Cichanoŭski raskazaŭ, što treba było rabić u žniŭni 2020-ha

Hałoŭnaje
Usie naviny →

Zaŭvaha:

 

 

 

 

Zakryć Paviedamić