U Ispanii 20 maja adbyŭsia surjozny zboj u pracy internetu i mabilnaj suviazi. Pavodle infarmacyi haziety El País, pryčynaj stała techničnaja niaspraŭnaść u sietcy kampanii Telefónica, jakaja absłuhoŭvaje bolšuju častku mabilnaj suviazi ŭ krainie.
Prablemy zakranuli nie tolki zvyčajnych karystalnikaŭ, ale i słužby vyratavańnia — u takich rehijonach, jak Arahon, Andałusija i Valensija.
Paviedamlajecca, što zboj moh być vyklikany niaŭdałym abnaŭleńniem sietki, a kankretna — adklučeńniem sistemy MPLS, jakaja vykarystoŭvajecca dla pracy numara 112 i inšych ekstrannych słužbaŭ.
Pavodle infarmacyi, prablemy pačalisia kala druhoj hadziny nočy, a da 10:30 ranicy suviaź z ekstrannymi słužbami ŭžo była adnoŭlenaja, choć u niekatorych ustanoŭ jašče byli prablemy sa stacyjanarnaj telefonnaj suviaźziu. Urad sočyć za situacyjaj i čakaje bolš dakładnaj infarmacyi.
Miž tym, čymści padobny incydent adbyŭsia ŭ hetym rehijonie mienš čym miesiac tamu. U krasaviku ŭ Ispanii i Partuhalii adbyłosia vialikaje adklučeńnie elektryčnaści, jakoje taksama zakranuła Andoru i krychu Francyju. U vyniku parušyłasia praca telefonnaj suviazi, mabilnych sietak i roznych sistem — u tym liku ŭ śfierach achovy zdaroŭja, enierhietyki, transpartu i pramysłovaści.
Pavodle infarmacyi ispanskich ŚMI, heta adklučeńnie mahło abyścisia krainie minimum u adzin miljard jeŭra. Asabliva paciarpieli małyja i siarednija pradpryjemstvy.
Nacyjanalny sud Ispanii raspačaŭ rasśledavańnie, kab vyśvietlić, ci nie byŭ krasavicki błekaut vynikam kampjutarnaj dyviersii. Byli zhadanyja padobnyja vypadki kibieratak va Ukrainie ŭ 2016 hodzie. Paźniej rasśledavańnie ŭ Ispanii zasakrecili.
«Bajusia, nočču mohuć pačacca maradziorstvy». Biełarusy Ispanii i Partuhalii raskazali, jak pieražyvajuć hłabalny błekaŭt
U Ispanii i Partuhalii adnaŭlajuć padaču elektraenierhii i šukajuć pryčynu maštabnaha błekaŭtu
Pryčynaj avaryi na jeŭrapiejskich elektrasietkach mahła stać redkaja atmaśfiernaja źjava
Ciapier čytajuć
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1414
Kamientary
Spadziajusia, vyniki ŭsio ž potym ahałosiać. Bo inačaj heta budzie prosta plavok u tvar ispanskamu narodu