Kubrakoŭ zahadaŭ pakarać niejkich błatnych za staryja parušeńni PDR
29 lipienia ministr unutranych spraŭ Biełarusi Ivan Kubrakoŭ pravioŭ naradu, padčas jakoj daručyŭ pierahledzieć rašeńni pa šerahu parušeńniaŭ Praviłaŭ darožnaha ruchu i ŭzmacnić pakarańnie dla asobnych hramadzian.
Jak paviedamlajecca ŭ aficyjnym telehram-kanale MUS, Kubrakoŭ padkreśliŭ važnaść pryncypovaha i spraviadlivaha padychodu da parušeńniaŭ. Jon adznačyŭ, što kali majecca niaznačnaje parušeńnie i jość źmiakčalnyja abstaviny — možna pajści nasustrač čałavieku. Ale kali parušeńni hrubyja i šmatrazovyja — nijakich palohak być nie pavinna.
«Heta pytańnie spraviadlivaści. Kali ŭ čałavieka, naprykład, dzicia-invalid — treba ŭličvać abstaviny. Ale dla tak zvanaj błataty — ni ŭ jakim razie!», — zajaviŭ jon.
Paśla čaho zahadaŭ padniać usie spravy, u jakich za hrubyja parušeńni PDR nie było pryznačana pazbaŭleńnie pravoŭ, i pierahledzieć ich. Kali terminy daŭniny jašče nie minuli, milicyja moža źviarnucca da prakurora ź inicyjatyvaj pierahladzieć rašeńni.
«Pastaŭcie, kali łaska, hetych samazvanych błatnych na miesca», — zajaviŭ Kubrakoŭ.
Ciapier čytajuć
U Minsku kidajuć budavać treciuju liniju mietro ŭ Zialony Łuh. Usie siły pojduć na čaćviortuju, kalcavuju1
U Minsku kidajuć budavać treciuju liniju mietro ŭ Zialony Łuh. Usie siły pojduć na čaćviortuju, kalcavuju
«Dekałanizacyja — heta pryjści i zaniać svajo miesca». Nasta Rahatko budzie ŭdzielničać u fiestyvali rasijskaj knihi. Sulima jaje asudziŭ, jana nie zmaŭčała ŭ adkaz6464
Kamientary
[Zredahavana]