Piać hadoŭ tamu, 9 žniŭnia 2020 hoda, adbylisia prezidenckija vybary. U toj niadzielny dzień na vybarčych učastkach stajali natoŭpy ludziej ź biełymi stužačkami na zapiaściach, mnohija ŭ biełych strojach. A viečaram jany vyjšli na płoščy pratestavać suprać nachabnaj falsifikacyi vynikaŭ.
Spačatku ŭviečary 9 žniŭnia byli ahučany aficyjny ekzitpoły: za Alaksandra Łukašenku prahałasavali 79,7%, Śviatłanu Cichanoŭskuju — 6,8%. Potym CVK skazaŭ, što za Łukašenku prahałasavali 80,2 %, Cichanoŭskuju — 9,9%.
Płatforma «Hołas» davała inšyja ličby. Udałosia atrymać pratakoły 432 učastkovych vybarčych kamisij u Minsku z 731. Śviatłana Cichanoŭskaja nabrała pavodle ich 132 941 hołas, pry tym, što pavodle viersii CVK, u jaje ŭ Minsku ahułam usiaho 126 861 hołas.
U 2021 hodzie płatforma «Hołas» zaviaršyła alternatyŭny padlik hałasoŭ. Analityki kamandy zajavili, što Śviatłana Cichanoŭskaja nabrała sama mieniej 3 młn hałasoŭ i pieramahła ŭ vybarach užo ŭ pieršym tury.
Dziasiatki tysiač aburanych ludziej viečaram 9 žniŭnia vyjšli ŭ centry svaich haradoŭ na maštabnyja pratesty.
U Minsku byli pierakrytyja asnoŭnyja mahistrali, u horad była ściahnuta śpiectechnika, uklučajučy vadamioty, milicejskija aŭtazaki i armiejskija hruzaviki. Milicyja ŭžyvała śvietłašumavyja hranaty, ślezaciečny haz, humovyja kuli i vadamiot. Kiraŭničku CVK Lidziju Jarmošynu pad achovaj evakujavali z Doma ŭrada.
Pratesty praciahnulisia na nastupny dzień, uviečary 10 žniŭnia na Puškinskaj u Minsku byŭ zabity Alaksandr Tarajkoŭski.
13 žniŭnia 2020 hoda dziaŭčaty ŭ biełym z kvietkami vyjšli na vulicy Minska, kab zaklikać ułady spynić hvałt. Pieršaja žanočaja akcyja prajšła napiaredadni na Kamaroŭcy. 13 žniŭnia stychijnyja akcyi suprać hvałtu achapili ŭvieś Minsk.
15 žniŭnia adbyłosia raźvitańnie z Alaksandram Tarajkoŭskim, a ŭ niadzielu, 16 žniŭnia, niekalki sotniaŭ tysiač čałaviek ź bieł-čyrvona-biełymi ściahami vyjšli ŭ centr Minska.
Z hetaha dnia pa niadzielach u Minsku prachodzili maštabnyja akcyi pratestu, jakija ścichli tolki ŭ kancy listapada pačatku śniežnia. Niekalki tydniaŭ pravodzilisia žanočyja akcyi ŭ suboty i maršy piensijanieraŭ u paniadziełki.
Režym abrynuŭ maštabnyja represii, dziasiatki tysiač byli aryštavanyja, tysiačy prajšli praz kałonii. Zaraz u Biełarusi 1187 palitviaźniaŭ. Sotni tysiač biełarusaŭ vymušanyja byli pakinuć radzimu.
Ciapier čytajuć
Chto zabaraniaje ŭ Biełarusi knihi — voś hetyja 22 čałavieki33
Chto zabaraniaje ŭ Biełarusi knihi — voś hetyja 22 čałavieki
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami9191
Kamientary