Hiermanija spyniaje finansavańnie Forumu histaryčnych daśledavańniaŭ Biełarusi
Ministerstva zamiežnych spraŭ Hiermanii i Niamieckaja słužba akademičnych abmienaŭ pryniali rašeńnie spynić finansavańnie Forumu histaryčnych daśledavańniaŭ Biełarusi. Pryčynaj nazyvajecca «deficyt biudžetu». Pra heta paviedamiła kaardynatarka prajekta Alesia Biełanovič-Petc u fejsbuku.
Biełanovič-Petc raspaviała, što ŭ kancy vieraśnia razam z kalehami ź Biełaruskaha kanhresa mieła sustreču ŭ MZS Hiermanii, dzie niamieckamu boku tłumačyli, «nakolki mocna historyja ŭ Biełarusi vykarystoŭvajecca zaraz jak zbroja dla kryminalizacyi navukovych daśledavańniaŭ i apazicyjnych hałasoŭ».
Tamu rašeńnie nie praciahvać finansavańnie Forumu — «prajektu, jaki paśpiachova supraćstajaŭ instrumientalizacyi historyi i stvaryŭ prastory dla navukovaha abmienu, vyklikaje pytańni», piša jana.
Biełanovič-Petc tłumačyć, što Forum histaryčnych daśledavańniach Biełarusi — bolš, čym akademičny prajekt.
Heta placoŭka dla taho, kab zrabić Biełaruś i jaje histaryjahrafičnyja daśledavańni bačnymi; sietka dla represavanych daśledčykaŭ u vyhnańni i navukoŭcaŭ ź Biełarusi; miesca, dzie histaryčny dyjałoh zastavaŭsia mahčymym niahledziačy na represii; supraćdziejańnie ideałohii i prapahandzie ŭ Biełarusi».
Mienavita ciapier, u hetaj palityčnaj situacyi, kaniec finansavańnia pasyłaje zasmučalny sihnał, piša kaardynatarka prajekta.
Jana taksama spasłałasia na mierkavańnie člena daradčaj hrupy Forumu, historyka Fieliksa Akiermana, jaki zajaviŭ u kamientary dla Frankfurter Allgemeine Zeitung: «Heta, pa sutnaści, pryznańnie taho, što MZS Hiermanii ŭ budučyni nie raźličvaje na dziaržaŭnuju samastojnaść Biełarusi».
-
Fatohraf z Kalinkavičaŭ zasudziŭ Maskoŭski zaapark, jaki vykarystaŭ biez dazvołu jaho fota norki
-
«Heta jaho paduška biaśpieki». Na trasie pad Minskam zaŭvažyli niezvyčajny sposab pieravozki šyn
-
Łukašenka ŭviazaŭ vyzvaleńnie palitviaźniaŭ z adkryćciom amierykanskaha pasolstva i finansavymi pytańniami
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy20
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary