Германія спыняе фінансаванне Форуму гістарычных даследаванняў Беларусі
Міністэрства замежных спраў Германіі і Нямецкая служба акадэмічных абменаў прынялі рашэнне спыніць фінансаванне Форуму гістарычных даследаванняў Беларусі. Прычынай называецца «дэфіцыт бюджэту». Пра гэта паведаміла каардынатарка праекта Алеся Белановіч-Пэтц у фэйсбуку.
Белановіч-Пэтц распавяла, што ў канцы верасня разам з калегамі з Беларускага кангрэса мела сустрэчу ў МЗС Германіі, дзе нямецкаму боку тлумачылі, «наколькі моцна гісторыя ў Беларусі выкарыстоўваецца зараз як зброя для крыміналізацыі навуковых даследаванняў і апазіцыйных галасоў».
Таму рашэнне не працягваць фінансаванне Форуму — «праекту, які паспяхова супрацьстаяў інструменталізацыі гісторыі і стварыў прасторы для навуковага абмену, выклікае пытанні», піша яна.
Белановіч-Пэтц тлумачыць, што Форум гістарычных даследаваннях Беларусі — больш, чым акадэмічны праект.
Гэта пляцоўка для таго, каб зрабіць Беларусь і яе гістарыяграфічныя даследаванні бачнымі; сетка для рэпрэсаваных даследчыкаў у выгнанні і навукоўцаў з Беларусі; месца, дзе гістарычны дыялог заставаўся магчымым нягледзячы на рэпрэсіі; супрацьдзеянне ідэалогіі і прапагандзе ў Беларусі».
Менавіта цяпер, у гэтай палітычнай сітуацыі, канец фінансавання пасылае засмучальны сігнал, піша каардынатарка праекта.
Яна таксама спаслалася на меркаванне члена дарадчай групы Форуму, гісторыка Фелікса Акермана, які заявіў у каментары для Frankfurter Allgemeine Zeitung: «Гэта, па сутнасці, прызнанне таго, што МЗС Германіі ў будучыні не разлічвае на дзяржаўную самастойнасць Беларусі».
Цяпер чытаюць
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»26
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2020
Каментары