Byłaja advakatka Volha Karpušonak, jakaja abvinavaciła Paŭła Łatušku ŭ charasmiencie i ciapier chavaje svajo miesca znachodžańnia, zapisała novaje paviedamleńnie ŭ telehramie. Videa zapisana, jak vyhladaje, na fonie ciopłaha mora.
«Usim pryvitańnie. Siońnia 1 listapada 2025 hoda. I, jak bačycie, ja nie ŭ Biełarusi. Mianie nichto nie kraŭ, nie vykradaŭ, jak śćviardžaje Taćciana Martynava, kiraŭnica majoj byłoj frakcyi i niekatoryja inšyja palityki», — kaža Karpušonak.
Jana dadaje, što ŭsio heta «tolki chajp» na jejnaj mecie, «bo ludzi nie hatovyja vykazacca suprać Łatuški».
«U suviazi z hetym nie hatovyja mianie padtrymać, i ničoha nie zastajecca, jak śćviardžać, što ŭsio heta apieracyja KDB. Ale heta nie tak, i vy možacie pierakanacca, što ja nie ŭ Biełarusi», — kaža Karpušonak.
30 žniŭnia delehatka Kaardynacyjnaj rady i pradstaŭnica ad demakratyčnaj Biełarusi ŭ Parłamienckaj asamblei Rady Jeŭropy Volha Karpušonak na svajoj staroncy ŭ fejsbuku abvinavaciła Paŭła Łatušku ŭ sieksualnych damahańniach.
Pavieł Łatuška adchiliŭ hetyja abvinavačvańni. Ataku ž z boku Karpušonak jon ličyć vynikam dziejnaści śpiecsłužbaŭ režymu Łukašenki.
Paśla taho nieŭzabavie vyśvietliłasia, što Karpušonak pierabrałasia z Polščy spačatku ŭ Ispaniju, a paśla ŭ Braziliju.
U kastryčniku jana zajaviła, što vychodzić z Kaardynacyjnaj rady.
Ciapier čytajuć
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami15
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary