Delehatka Kaardynacyjnaj rady Volha Karpušonak, jakaja niadaŭna abvinavaciła ŭ charasmiencie Paŭła Łatušku i paśla taho niekalki dzion nie vychodziła na suviaź, apublikavała videa ź plaža. My pasprabavali identyfikavać miesca.
Uviečary 2 vieraśnia Taćciana Martynava, kiraŭnica frakcyi «Chopić bajacca!» u Kaardynacyjnaj radzie, u jakuju ŭvachodzić i Volha Karpušonak, pieradała, što taja ŭžo pakinuła Ispaniju, ale znachodzicca nie ŭ Biełarusi. Paźniej sama Karpušonak u fejsbuku napisała, što pakinuła ES.
Tym ža viečaram Karpušonak apublikavała ŭ 00:10 pa minskim časie jašče videa-kružačak u telehram-čacie «Tolki refarmatary i refarmatarki». Na videa jana znachodzicca na marskim plažy ŭ śvietły čas sutak, što mahło adpaviadać u toj momant tolki amierykanskamu kantynientu.
Adzinaj začepkaj datyčna miescaznachodžańnia Karpušonak byli skały na haryzoncie, forma jakich nahadvała łandšaft atłantyčnaha ŭźbiarežža Brazilii ŭ rajonie Rya-de-Žanejra.
Pakolki videa zdymałasia na sełfi-kamieru, vyjavy ŭ im atrymlivajucca lustranymi. Vypraviŭšy vyjavu i paraŭnaŭšy ź miascovym reljefam, my pryjšli da vysnovy, što najbolš vierahodna kružočak zapisany sa znakamitaha plaža Kapakabana. Na haryzoncie sprava naleva bačnyja astravy Ilha do Pai, Ilha da Mãe, a samaja vysokaja viaršynia adpaviadaje skale Pedra do Elefante.
Ciapier čytajuć
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy55
Kamientary