Kiembrydžski słoŭnik vybraŭ słova hoda. Zdavałasia b, pry čym tut Tejłar Śvift?
Słovam 2025 hoda pavodle viersii Kiembrydžskaha słoŭnika anhlijskaj movy stała słova «Parasocial» («Parasacyjalny»).
Parasacyjalny — termin, jaki aznačaje adnabakovuju psichałahičnuju prychilnaść čałavieka da znakamitaści, piersanaža knihi (filma, sieryjała i tak dalej) abo štučnaha intelektu (čat-bota).
Termin «parasacyjalny» źjaviŭsia ŭ 1956 hodzie, jaho ŭviali antrapołah Donald Chortan i sacyjołah Ryčard Voł. Hetym słovam jany apisvali prychilnaść telehledačoŭ, jakuju tyja adčuvali da ŭdzielnikaŭ teleprahram — naprykład, viadučych tok-šou. Hetaje źjava isnuje i siońnia, bo karystalniki sacsietak farmirujuć parasacyjalnyja adnosiny sa znakamitaściami i ŭpłyvovymi ludźmi, ź jakimi ŭ ich niama nijakich asabistych adnosin, adznačajecca ŭ słoŭniku.
Adzin z prykładaŭ, jaki pryvodzić Kiembrydžski słoŭnik, — śpiavačka Tejłar Śvift, jakaja ŭ hetym hodzie abviaściła pra svaje zaručyny z hulcom Nacyjanalnaj futbolnaj lihi Trevisam Kiełsi. Mnohija prychilniki śpiavački havaryli i pisali pra svaje pačućci da pary, choć amal nichto ź ich nie maje asabistych adnosin sa śpiavačkaj.
«Tejłar Śvift, napeŭna, samy jaskravy prykład. Jana staranna vybudoŭvaje svaju prysutnaść u sacyjalnych sietkach, kab zaachvočvać i ŭmacoŭvać u svaich prychilnikaŭ adčuvańnie asabistych adnosin ź joj. Niadaŭniaje abviaščeńnie praź instahram pra jaje zaručyny z zorkaj amierykanskaha futboła Trevisam Kiełsi pryviało prychilnikaŭ pa ŭsim śviecie ŭ zachapleńnie, jak byccam jana była ich blizkaj siabroŭkaj», — havorycca na sajcie słoŭnika.
U 2025 hodzie vykarystańnie termina «parasacyjalny» rezka ŭzrasło, pierš za ŭsio, z-za bojazi taho, što ludzi pačali ŭstaloŭvać padobnyja adnosiny sa štučnym intelektam, u pryvatnaści, čatam džypici.
«Toje, što kaliści było śpiecyjalnym akademičnym terminam, stała miejnstrymam. Miljony ludziej uciahnutyja ŭ parasacyjalnyja adnosiny; mnohija inšyja prosta zaintryhavanyja ich rostam», — adznačyŭ leksikohraf Kolin Makintoš.
Zanadta paśpiachovaja dla pravału. Jak impieryja Tejłar Śvift zrabiła jaje nastolki maštabnaj fihuraj, kab jana zmahła paciarpieć parazu
Fanaty Tejłar Śvift navadnili muziej u Hiermanii, kab pabačyć karcinu, da jakoj śpiavačka zrabiła adsyłku ŭ svaim novym klipie
Tejłar Śvift zaručyłasia z zorkaj amierykanskaha futboła
Słoŭnik anhlijskaj movy Collins nazvaŭ słova hoda
Ciapier čytajuć
81‑hadovuju maci aŭtaryteta Skitova z «Babulinaj krynki» kinuli ŭ SIZA KDB, kab jon narešcie zahavaryŭ6
Kamientary
Chacia, viadoma, što biełarusam važniej viedać pra amierykanskuju zorku čym čytać pra toje, ab čym dyskutujecca ŭ Jeŭropie.
A chto takaja supiermiehazorka Tejłar Śvift?