U Vilejcy «stracili» vałun, jaki ličyŭsia pomnikam pryrody respublikanskaha značeńnia
Ministerstva pryrodnych resursaŭ pastanovaj № 62 ad 27 listapada 2025 hoda spyniła funkcyjanavańnie pomnika pryrody vałun «Lubiecki» z karotkaj i zahadkavaj farmuloŭkaj «u suviazi sa strataj kaštoŭnaha pryrodnaha abjekta», piša telehram-kanał «Spadčyna».
Heta šery parfirapadobny hranit pamieram 2ch1,7 m i vyšynioj 1,35 m. Jon mieŭ adšlifavanuju pavierchniu i charakternyja jamki, što mahło śviedčyć pra jaho kultavaje vykarystańnie ŭ daŭniejšyja časy.
Vałun znajšli ŭ 1997 hodzie daśledčyki Valeryj Vinakuraŭ i Alaksandr Zajcaŭ kala vioski Lubki. Paźniej kamień pieravieźli ŭ Vilejku i pastavili na vulicy Vałynca, kala meblevaj fabryki. U 2000 hodzie jon staŭ pomnikam pryrody, a ŭ 2007‑m atrymaŭ respublikanski status. A voś šylda histaryka-kulturnaj kaštoŭnaści, vidać, falšyvaja, u apošnich viersijach Dziaržaŭnaha śpisu takoha abjekta nie było.
Hałoŭnaje pytańnie: jak možna niezaŭvažna «stracić» vielizarny kamień vahoj niekalki ton, jaki lažyć u horadzie ź vialikaj šyldaj historyka-kulturnaj kaštoŭnaści na piarednim baku?
Pad zahadkavaj farmuloŭkaj «u suviazi sa strataj kaštoŭnaha pryrodnaha abjekta» mohuć mieć na ŭvazie abo kradziež (vałuny časta stanoviacca achviarami haspadaroŭ katedžaŭ, jakija vyvoziać ich dla afarmleńnia svaich učastkaŭ — takija vypadki ŭžo byli), abo fizičnaje źniščeńnie — kamień mahli banalna raźbić abo zakapać padčas čarhovaha «ŭparadkavańnia» terytoryi pierad fabrykaj.
U centry Mahilova znosiać histaryčny chlebazavod: zamiest art-prastory, jakuju prasili haradžanie, tam moža źjavicca 18‑paviarchovy ofisny hmach
Na vyratavańnie viadomaha kaścioła dziaržava tak i nie znajšła hrošaj i źviarnułasia da hramadzian
U Biełarusi stała mienš na adzin pomnik pryrody
U Hrodnie pačali ŭparadkoŭvać najstarejšyja mohiłki Biełarusi
Ciapier čytajuć
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie2
Kamientary