Na vyratavańnie viadomaha kaścioła dziaržava tak i nie znajšła hrošaj i źviarnułasia da hramadzian
Mahiloŭski rajvykankam 18 listapada abviaściŭ ab zbory achviaravańniaŭ dla praviadzieńnia supraćavaryjnych mierapryjemstvaŭ i kansiervacyjnych rabot zakinutaha kaścioła śviatoha Mikałaja ŭ vioscy Kniažycy Mahiloŭskaha rajona — papularnaha miesca dla fotasiesij, piša Katolik.life.
Publikacyju nazvali «zvarotam da spadkajemcaŭ historyka-kulturnych kaštoŭnaściaŭ Mahiloŭščyny» i adznačyli, što budynak chrama maje patrebu ŭ praviadzieńni terminovych supraćavaryjnych i kansiervacyjnych rabot. Dla hetaha adkryli dabračynny rachunak i źviarnulisia «da ŭsich nieabyjakavych z prośbaj akazać finansavuju dapamohu».
Budynak XVII stahodździa ŭvachodzić u śpis pomnikaŭ architektury, jakija achoŭvajucca dziaržavaj. Ale na praciahu niekalkich hadoŭ hrošaj u biudžecie navat na kansiervacyju budynka tak i nie znajšli.
Jašče ŭ 2015 hodzie kaścioł u Kniažycach, jaki ŭvachodzić u śpis historyka-kulturnaj spadčyny krainy, uklučyli ŭ rehijanalny kompleks mierapryjemstvaŭ pa realizacyi ŭ Mahiloŭskim rajonie dziaržprahramy «Kultura Biełarusi» na 2016‑2020 hady. Na adnaŭlenčyja raboty abiacali vydzielić kala 370 tysiač rubloŭ. Ale srodkaŭ ni ŭ rajonnym, ni ŭ abłasnym biudžetach nie znajšłosia.
Pa zakonie, zachavanaść historyka-kulturnaj kaštoŭnaści abaviazany zabiaśpiečyć ułaśnik. Budynak staić na bałansie Kniažyckaha sielvykankama, ale ŭsio, što tam zmahli zrabić — abnieśli niebiaśpiečny abjekt draŭlanym płotam, zabili ŭsie ŭvachody, pa pierymietry raźviesili šyldy: «Uvachod zabaronieny».
U 2024 hodzie miascovyja žychary nakiroŭvali pietycyju z prośbaj adnavić hety abjekt historyka-kulturnaj spadčyny. Ale srodkaŭ tak i nie vydzielili navat na minimalnyja raboty.
Ciapier hrošy sprabujuć sabrać praz dabračynny rachunak. Pieraličyć achviaravańni možna pa hetych rekvizitach:
№ BY67AKBB36410573113537000000 u AAT ASB «Biełarusbank»
MOU №700, BICAKBBBY2Ch, UNP 700020223
z paznakaj «Kaścioł sv. Mikałaja» ŭ ah. Kniažycy Mahiloŭskaha rajona
Što ciapier ź italjanskimi vizami? Masavyja admovy? Turfirmy nazyvajuć alternatyvu6
Što ciapier ź italjanskimi vizami? Masavyja admovy? Turfirmy nazyvajuć alternatyvu
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary