Na iranskim telebačańni Trampu pahražali zamacham. Jaho adkaz: U vypadku čaho ŭsia kraina ŭźlacić u pavietra!
Niezadoŭha da vyletu na Suśvietny ekanamičny forum u Davosie prezident ZŠA Donald Tramp daŭ zrazumieć, što jon maje namier zrabić z mułami i ich paplečnikami, kali tyja pasprabujuć učynić na jaho zamach.
Fota: Alex Brandon / AP
«Nu, im lepš hetaha nie rabić, ale ja pakinuŭ rasparadžeńnie, što ŭsia kraina ŭźlacić u pavietra, kali kali-niebudź niešta adbudziecca», — zajaviŭ Tramp telekanału NewsNation u zahadzia zapisanaj prahramie Katie Pavlich Tonight, jakaja vyjšła ŭ efir uviečary 23 studzienia (pa miascovym časie).
Paśla hetaha Tramp abvinavaciŭ svajho papiarednika Džo Bajdena ŭ tym, što toj niedastatkova žorstka reahavaŭ na iranskija pahrozy, i znoŭ źviarnuŭsia da Tehierana: «Ja daŭ vielmi vyraznyja ŭkazańni: kali niešta adbudziecca, jany źniknuć z tvaru ziamli».
Žorstkaja rytoryka Trampa prahučała paśla siužetu na iranskim dziaržaŭnym telebačańni ŭ siaredzinie minułaha tydnia. U im pakazali Donalda Trampa, akružanaha ahientami Sakretnaj słužby paśla zamachu na jaho žyćcio ŭ 2024 hodzie padčas pieradvybarčaha mierapryjemstva ŭ Batlery (štat Piensilvanija). Pry hetym na ekranie źjaviŭsia pahroźlivy nadpis: «Na hety raz [kula] nie pralacić mima», piša Bild.
Heta — čarhovaja eskałacyja pamiž iranskim režymam, jaki ŭ apošnija dni pakaraŭ śmierciu tysiačy demanstrantaŭ u krainie, i prezidentam ZŠA. Kiraŭnik Irana, viarchoŭny ajatała Ali Chamieniei, niekalki dzion tamu nazvaŭ Trampa «złačyncam» i abvinavaciŭ jaho asabista ŭ arhanizacyi iranskich pratestaŭ. Tramp adkazaŭ rezkaj krytykaj i ŭ intervju časopisu Politico nazvaŭ hałoŭnaha mułu «chvorym čałaviekam». «Pryjšoŭ čas šukać novaje kiraŭnictva dla Irana», — dadaŭ prezident ZŠA.
U apošnija tydni Tramp taksama nieadnarazova padkreślivaŭ, što Złučanyja Štaty hatovyja da vajennaha ŭmiašańnia, kab dapamahčy demanstrantam. Hienierał Abalfazł Šekarčy, pradstaŭnik iranskich uzbrojenych sił, zajaviŭ 20 studzienia: «Tramp viedaje: kali ruka ahresii budzie praciahnutaja da našaha lidara, my nie tolki adsiačem hetuju ruku, ale i padpalim uvieś ich śviet».
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj88
Kamientary
vybochoŭki mo i nia chopić, ale nianaviści tamtejšaha nasielnictva + troški amierykanskaj piratechniki moža być dastatkova.