Трамп выставіў Ірану ультыматум на фоне набліжэння да яго берагоў «вялізнай армады»
Прэзідэнт ЗША Дональд Трамп заявіў, што да берагоў Ірана набліжаецца магутны амерыканскі флот. Ён заклікаў Тэгеран неадкладна сесці за стол перамоў для заключэння ядзернай дамовы, пагражаючы моцным ударам. Пра гэта Трамп напісаў у сацсетцы Truth Social.
Па словах Трампа, авіяносная ўдарная група на чале з авіяносцам «Аўраам Лінкальн» ужо накіроўваецца ў рэгіён. Ён адзначыў, што па сіле гэты флот значна пераўзыходзіць сілы, якія раней ЗША разгарнулі каля Венесуэлы.
«Вялізная армада рухаецца да Ірана. Яна ідзе хутка, з вялікай сілай, энтузіязмам і мэтанакіраванасцю… Як і ў выпадку з Венесуэлай, флот гатовы, жадае і здольны хутка выканаць сваю місію з імклівасцю і сілай, калі гэта будзе неабходна», — піша Трамп.
Прэзідэнт ЗША падкрэсліў, што галоўнай умовай Вашынгтона застаецца адмова Тэгерана ад ядзерных амбіцый. Ён заклікаў улады Ірана заключыць «справядлівую здзелку», якая гарантавала б адсутнасць ядзернай зброі.
«Як я ўжо казаў Ірану раней — заключыце здзелку! Яны гэтага не зрабілі, і адбылася аперацыя «Паўночны молат», якая нанесла значныя разбурэнні ў Іране. Наступны ўдар будзе значна горшым! Не дапусціце паўтарэння», — адзначыў Трамп.
Напярэдадні паведамлялася, што авіяносная ўдарная група ЗША з авіяносцам «Аўраам Лінкальн» ужо прыбыла ў Індыйскі акіян, у зону адказнасці Цэнтральнага камандавання ЗША (CENTCOM). Раней СМІ паведамлялі, што Трамп атрымаў шмат справаздач амерыканскай разведкі пра тое, што рэжым у Іране цяпер знаходзіцца ў найслабейшай пазіцыі з часоў рэвалюцыі 1979 года.
Цяпер чытаюць
«Звяжыцеся з намі»: Пракоп'еў напісаў калонку для «НН», у якой абгрунтоўвае знаходжанне Ціханоўскага ў Штатах і просіць грошай51
«Звяжыцеся з намі»: Пракоп'еў напісаў калонку для «НН», у якой абгрунтоўвае знаходжанне Ціханоўскага ў Штатах і просіць грошай
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі1515
Каментары
[Зрэдагавана]
Рыжий маразматик уже забыл про Иран и собрался идти на Канаду
тапіць той посуд да разгортвання.
будуць соплі жаваць - кабзда ім.