Pra źmienu płanaŭ paviedamiŭ kiraŭnik kaśmičnaha ahienctva Džared Ajziekman. Raniej płanavałasia, što pasadka adbudziecca ŭ miežach misii Artemis III — zaklučnaha etapu amierykanskaj miesiacovaj prahramy «Artemida» — užo ŭ 2027 hodzie.
Hałoŭnaja meta prahramy — viarnuć čałavieka na Miesiac upieršyniu z 1972 hoda, kali adbyłasia misija «Apałon-17». Usiaho praduhledžanyja try asnoŭnyja paloty: bieśpiłotny ablot Miesiaca (Artemis I), piłatavany ablot (Artemis II) i misija z vysadkaj ekipaža kala paŭdniovaha polusa spadarožnika Ziamli (Artemis III).
Adnak z-za zatrymak i techničnych ciažkaściaŭ padčas padrychtoŭki Artemis II płan byŭ pierahledžany. Ciapier zapusk Artemis III u 2027 hodzie nie budzie ŭklučać vysadku na Miesiac. Zamiest hetaha misija praduhledžvaje demanstracyju karabla Orion na nizkaj kalaziamnoj arbicie i adpracoŭku stykoŭki z pastaŭščykami miesiacavych pasadačnych modulaŭ.
Pamiž mahčymym palotam Artemis II i budučaj vysadkaj NASA płanuje pravieści niekalki dadatkovych misij. Pavodle słoŭ kiraŭnika ahienctva, heta dapamoža lepš padrychtavacca da zapusku i pavysić nadziejnaść sistem. Kali ŭsio projdzie paśpiachova, vysadka moža adbycca padčas misii Artemis IV u pačatku 2028 hoda abo Artemis V u kancy taho ž hoda.
Pieršy zapusk prahramy — Artemis I — adbyŭsia ŭ žniŭni 2022 hoda: karabiel Orion ablacieŭ Miesiac i ŭ listapadzie paśpiachova viarnuŭsia na Ziamlu, pryziamliŭšysia ŭ Cichim akijanie. Nastupnyja misii pieranosilisia z-za vyjaŭlenych niedachopaŭ u sistemach žyćciezabieśpiačeńnia i ciepłavoj abaronie karabla.
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?18
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci33
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci3
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary