Dvum katalickim śviataram nie praciahnuli dazvoł na słužeńnie ŭ Biełarusi. Biez pastyraŭ zastalisia šeść parafij u troch rajonach
Biełaruś vymušanyja pakinuć dva polskija śviatary, jakija šmat hadoŭ słužyli ŭ Bresckaj vobłaści. Jak paviedamiŭ praz dyjacezijny sajt biskup Pinski Antoni Dziamjanka ŭ svaim zvarocie da viernikaŭ, Pinskaja dyjacezija nie atrymała ad dziaržaŭnych uładaŭ uzhadnieńnia na dalejšaje słužeńnie śviataroŭ. 8 sakavika ź imi raźvitalisia ŭ parafijach, piša Katolik.life.
Nie atrymali dazvołu na dalejšuju pracu ksiondz Adam Stračynski, jaki na praciahu 11 hadoŭ byŭ dušpastyram u Ivacevičach, Kosavie i Volcy, i ksiondz Pavieł Kručak, jaki 13 hadoŭ słužyŭ u Ivanavie, Drahičynie i Bieździežy. Takim čynam, adrazu šeść parafij u troch rajonach (Drahičynskim, Ivanaŭskim i Ivacevickim) zastalisia bieź śviataroŭ.
Ardynaryj Antoni Dziamjanka adznačyŭ, što ŭ takich umovach dyjacezii vielmi składana zabiaśpiečyć usie parafijalnyja supolnaści rehularnaj dušpastyrskaj apiekaj.
«Siońnia my pieražyvajem taki pieryjad, kali nie chapaje miascovych dušpastyraŭ. Molimsia ab paklikańniach da śviatarskaha słužeńnia i padtrymlivajem našych sieminarystaŭ. Šmathadovy probašč adjazdžaje z vašych parafij nie pa svajoj voli. Heta bol dla ŭsich nas. Ale my — biskupy i śviatary — budziem dapamahać i padtrymlivać vas», — źviarnuŭsia ijerarch da viernikaŭ šaści parafij, jakija zastalisia biez pastyraŭ.
Hienieralny vikaryj dyjacezii biskup Andrej Znoska taksama vykazaŭsia na hetu temu. Na svajoj staroncy jon raspavioŭ, što padčas vizitu ŭ Homiel padzialiŭsia pieražyvańniami, źviazanymi z vyjezdam ź Pinskaj dyjacezii dvuch śviataroŭ, jakim nie byŭ uzhodnieny dazvoł na relihijnuju dziejnaść:
«Prymusovy adjezd ksiandza Paŭła ź Ivanava i ksiandza Adama ź Ivacevičaŭ — vialikaja biada dla našaj dyjacezii, bo asiracieli i zastalisia biez pastyrskaj apieki vierniki až troch rajonaŭ, i što dalej rabić — nie viedaju… Tolki malitva supolnaści Kaścioła suciašaje ŭ smutku i dadaje nadziei».
U Pinskaj dyjacezii z-za vostraha niedachopu śviataroŭ mnohija ksiandzy vymušany absłuhoŭvać adrazu niekalki parafij u roznych, časta addalenych nasielenych punktach.
Admova ŭ dazvole na praciah słužeńnia dvum śviataram adbyłasia na fonie aktyŭnaha supracoŭnictva kiraŭnictva dyjacezii ź miascovymi dziaržaŭnymi ŭładami, udziełu duchavienstva ŭ praŭładnych mierapryjemstvach, navat z nahody «Dnia narodnaha adzinstva» 17 vieraśnia — dałučeńnia Zachodniaj Biełarusi da BSSR, što mieła katastrafičnyja nastupstvy dla Katalickaj carkvy ŭ hetym rehijonie.
U Minsku abjavili pra płany stvaryć skvier na byłych katalickich mohiłkach. Ale tam užo daŭno idzie budaŭnictva
«Vy padajecie ŭsim nam prykład». Arcybiskup Stanieŭski pavinšavaŭ Viktara Chrenina z 23 lutaha
U Astravieckim rajonie školny ŭrok da Dnia rodnaj movy pravioŭ ksiondz
Katalicki biskup maksimalna ŭźniosła ŭsłaviŭ «Hod biełaruskaj žančyny»
Pamior biskup Kazimir Vielikasielec — najstarejšy katalicki ijerarch Biełarusi
Ciapier čytajuć
Śvieckaje žyćcio Darji Šmanaj: dni naradžeńnia dziaciej Kirkorava i Comedy Club4
Kamientary
Mała paklikańniaŭ u traŭmavanym balšavikami krai.