Katalicki biskup maksimalna ŭźniosła ŭsłaviŭ «Hod biełaruskaj žančyny»
Hienieralny vikaryj Minska-Mahiloŭskaj archidyjacezii biskup Alaksandr Jašeŭski vykazaŭsia na temu «Hoda biełaruskaj žančyny», jaki abviaścili dziaržaŭnyja ŭłady. Ijerarch napisaŭ vialiki tekst, u jakim daŭ hetaj idei svaju interpretacyju — duchoŭna-liryčnuju, zaŭvažyła vydańnie Katolik.life.
Z-pad piara biskupa vyjšaŭ svojeasablivy himn biełaruskaj žančynie:
«Ty — jak śviečka pierad abrazom: haryš cicha, ale tvajo śviatło bačna daloka. U tvaich vačach — pamiać prodkaŭ i nadzieja dziaciej, u tvaim sercy — malitva, jakaja nie pieraryvajecca, navat kali huby maŭčać».
Ijerarch taksama napisaŭ u adras abahulenaj žančyny:
«Ty — apora domu, cišynia, što lečyć, ruki, jakija błahasłaŭlajuć, słova, što ŭzdymaje».
Na dumku biskupa,
«Hod biełaruskaj žančyny — heta hod padziaki Bohu za tvaju prysutnaść, za tvaju mudraść».
Naprykancy ijerarch pažadaŭ:
«Niachaj Boh umacoŭvaje tvaju darohu, achoŭvaje tvaju piaščotu i množyć tvajo śviatło. Bo praź ciabie Biełaruś dychaje nadziejaj».
Ciapier čytajuć
DFR kašmaryć transpartnikaŭ: u vialikich łahistyčnych apierataraŭ kryminalnyja spravy, vobšuki i aryšty11
DFR kašmaryć transpartnikaŭ: u vialikich łahistyčnych apierataraŭ kryminalnyja spravy, vobšuki i aryšty
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»1111
Kamientary