«Vy padajecie ŭsim nam prykład». Arcybiskup Stanieŭski pavinšavaŭ Viktara Chrenina z 23 lutaha
Staršynia Kanfierencyi katalickich biskupaŭ Biełarusi, arcybiskup Minska-Mahiloŭski Juzaf Stanieŭski nakiravaŭ ministru abarony Viktaru Chreninu vinšavańnie z «Dniom abaroncy ajčyny», jaki ŭ adpaviednaści z savieckaj tradycyjaj na dziaržaŭnym uzroŭni adznačajecca ŭ Biełarusi 23 lutaha. Pra heta paviedamiŭ aficyjny partał Katalickaj carkvy ŭ Biełarusi catholic.by.
U svaim vinšavańni Juzaf Stanieŭski adznačaje, što
«vajskovaja słužba zaŭsiody ličyłasia śviatoj i praviednaj. Chryścijanskaja ideja vajskovaj słužby zaklučajecca ŭ samaaddanym słužeńni Radzimie i narodu až da hatoŭnaści addać «žyćcio svajo za siabroŭ svaich».
Arcybiskup pažadaŭ Chreninu «Božaj dapamohi, mocnaha zdaroŭja, duchoŭnych sił, natchnionaha i dbajnaha słužeńnia Radzimie» i zapeŭniŭ, što molicca, «kab Pan zachoŭvaŭ vas i vašych blizkich u pabožnaści».
«Va ŭsie časy na varcie našaj Radzimy stajali mocnyja ducham, addanyja svajoj Ajčynie i maralnym ideałam ludzi. I siońnia, abaraniajučy mir, spakoj i dabrabyt našych suhramadzian, vy padajecie ŭsim nam prykład nie tolki siły i mužnaści, ale i duchoŭnaj stojkaści, maralnaj vytrymki i honaru.
Słužeńnie Radzimie, jakoje vy ździajśniajecie dla zachavańnia hramadskaha paradku i spakoju hramadzianskaha nasielnictva našaj krainy, nielha ŭjavić biez hetych jakaściaŭ. Štodzionnaje vykanańnie vajskovaha abaviazku — vysokaje paklikańnie, jakoje patrabuje duchoŭnaha podźvihu, a časam i samaachviaravańnia», — adznačyŭ katalicki ijerarch.
Ciapier čytajuć
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»11
Kamientary
"rpc"- heta FSB filija . Kataliki hulajuć Vizantyjskuju hulniu siońnia kab zachavacca ...I dobra , impieryj pycha nie doŭha zastałosia . Tramp (Jak Rehjhan Balšavikam) naftaj razvaročvaje usie kiški i kostki drapiežnaj impieryi chana džučy .