Biełaruskaja ŭsianočnaja na Vialikdzień u Vilni projdzie ŭ carkvie, ufundavanaj Kanstancinam Astrožskim
Heta chram, jaki hietman Astrožski pabudavaŭ na znak padziaki za pieramohu nad maskoŭskim vojskam pad Oršaj u 1514 hodzie.
Usianočnaja — heta načnoje nabaženstva z pracesijaj. Na Vialikdzień jano adbyvajecca ŭnačy z suboty na niadzielu. Heta samaje ŭračystaje nabaženstva.
Biełaruskaja pravasłaŭnaja parafija Vilni — pieršaja, jakuju ŭziaŭ pad svoj amafor Kanstancinopalski patryjarchat. Heta byŭ važny znak, što biełaruskaje pravasłaŭje, jak i ŭkrainskaje, nie kaniečnie musić padparadkoŭvacca Maskvie. Słužać u parafii pavažanyja śviatary Hieorhij Roj i Alaksandr Kuchta, jakija byli vymušanyja pakinuć radzimu paśla 2020 hoda.
Adras Trajeckaj carkvy, dzie projdzie ŭsianočnaja, — Vostrabramskaja vulica (Aušros Vartų g.), 7B. Pačatak a 0:00.
Na hetym miescy kaliści była dubrova. U joj, pa lehiendzie, u XIV stahodździ byli zabityja try vilenskija pakutniki — Anton, Ivan i Jaŭstach. Pabudovu carkvy na hetym miescy źviazvajuć z druhoj žonkaj vialikaha kniazia Alhierda — Ullanaj.
Na miescy toj cerkaŭki z dazvołu vialikaha kniazia Žyhimonta Staroha hietman Kanstancin Astrožski i zbudavaŭ u honar pieramohi ŭ bitvie pad Oršaj vialiki muravany chram. Jon paŭstaŭ u stylistycy biełaruskaj pravasłaŭnaj hotyki: z kontrforsami, vysokim dacham i trochvuholnym frantonam.
Adnačasova na srodki Kanstancina Astrožskaha byŭ uźviedzieny i budynak manastyra, jaki z časam stanie bazyljanskim. Pobač z chramam pabudavana vysokaja vaśmivuholnaja zvanica. Duch roznych časoŭ pakinuŭ na hetaj bažnicy svoj adbitak. Paźniej fasady carkvy byli pierabudavanyja ŭ ruska-vizantyjskim styli, a interjery ŭ carkvie ciapier — baročnyja.
Ciapier carkva naležyć manacham-vasilijanam z Ukrainskaj hreka-katalickaj carkvy, a na Vialikdzień prymie biełarusaŭ.
-
«Ja zakančvaju efir, ja prosta nie mahu». Kavieryna daviała da šalenstva dyskusija sa śviatarom Šramko
-
Ministr kultury vyciahnuŭ u efir čarhovaha Astapa Bendara. I heta stała apošniaj kroplaj: suprać hetaha fiermiera-chvalka vystupiła siamja
-
Biełaruskim sanatoryjam u Rasii ekanamičny kryzis tolki na karyść
Ciapier čytajuć
Ministr kultury vyciahnuŭ u efir čarhovaha Astapa Bendara. I heta stała apošniaj kroplaj: suprać hetaha fiermiera-chvalka vystupiła siamja4
Kamientary
žyvie talki lituvac paradavała naš hety zbor maskoŭskim rpcešnikam,
"Biełaruskaja ŭsianočnaja na Vialikdzień u Vilni projdzie ŭ carkvie, ufundavanaj Kanstancinam Astrožskim"