Tramp patłumačyŭ, čamu dahetul praciahvajecca vajna va Ukrainie: Bajden daŭ im 350 miljardaŭ
Na dumku amierykanskaha prezidenta, mienavita adsutnaść finansavaj padtrymki Ukrainy z boku Złučanych Štataŭ spyniła b bajavyja dziejańni.
Donald Tramp zajaviŭ, što vajna va Ukrainie praciahvajecca z-za taho, što jaho papiarednik Džozief Bajden nibyta nadaŭ Kijevu finansavuju dapamohu na sumu 350 miljardaŭ dalaraŭ. Pra heta jon skazaŭ padčas bryfinhu, piša «Ukrainskaja praŭda».
Na dumku amierykanskaha prezidenta, mienavita adsutnaść finansavaj padtrymki Ukrainy z boku Złučanych Štataŭ spyniła b bajavyja dziejańni. Jon padkreśliŭ, što Amieryka adździelenaja ad kanfliktu akijanam, tady jak jeŭrapiejskija krainy adčuvajuć jaho jak prablemu na ŭłasnym parozie, adnak ZŠA ŭsio roŭna vymušanyja im dapamahać.
«Viedajecie, jany zrabili va Ukrainie sapraŭdny biesparadak, poŭny verchał. I my dapamahajem im z Ukrainaj. Ukraina tut ni pry čym. Viedajecie… nas padzialaje akijan. Heta datyčyć ich. Dla ich heta jak ułasnyja dźviery. My im dapamahajem. A Bajden daŭ im 350 miljardaŭ dalaraŭ, što było varjactvam. Heta adna z pryčyn, čamu vajna praciahvajecca».
Nasamreč, dapamoha ZŠA Ukrainie pry Bajdenie skłała nie 350, a 120 miljardaŭ dalaraŭ. Paśla prychodu Trampa da ŭłady Vašynhton pierakłaŭ dapamohu hetaj achviary rasijskaj ahresii na krainy Jeŭropy, ale praciahnuŭ pastaŭki zbroi, apłačanaj sa srodkaŭ inšych krain, i pieradaču raźviedźviestak.
Akramia taho, u Trampa zapytali, ci razhladaje jon mahčymaść skaračeńnia kolkaści amierykanskaha vajskovaha kantynhientu nie tolki ŭ Hiermanii, ale i ŭ Italii dy Ispanii.
«Tak, mahčyma. Čamu b i nie? Italija nam ničym nie dapamahła, a Ispanija pavodziła siabie žachliva — absalutna žachliva».
Ciapier čytajuć
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»1111
Kamientary
[Zredahavana]