Repraduktołah raspaviała, kolki ŭ Biełarusi kaštuje zamarozić jajcakletki
Zamarožanyja jajcakletki mohuć zachoŭvacca 10 i bolš hadoŭ pry rehularnaj apłacie.
Žančyny ŭ Biełarusi ŭsio čaściej źviartajucca za zamarožvańniem jajcakletak, kab adkłaści naradžeńnie dziciaci i zachavać fiertylnaść, paviedamiła repraduktołah Minskaha radzilnaha doma №2 Ała Zubarava.
Pracedura ŭklučaje abśledavańnie, stymulacyju, zabor jajcakletak pad narkozam i kryjakansiervacyju. Zachoŭvańnie apłačvaje pacyjentka, i jano zvyčajna doŭžycca 10 hadoŭ i bolš. Pry hatoŭnaści pravodziać razmarožvańnie, apładnieńnie i pieranos embryjonaŭ.
«Čaściej za ŭsio źviartajucca žančyny niezamužnija i bolš poźniaha repraduktyŭnaha ŭzrostu — 35 i bolš hadoŭ», — skazała Ała Zubarava.
Da zamarozki jajcakletak žančyny źviartajucca pa roznych pryčynach. Častka pacyjentak žadaje adkłaści naradžeńnie dziciaci na bolš poźni ŭzrost pa sacyjalnych faktarach.
Siarod miedycynskich pakazańniaŭ časta vystupaje vyjaŭleńnie puchlin abo inšych patałohij repraduktyŭnaj sistemy, kali budučaje lačeńnie moža paŭpłyvać na fiertylnaść.
Zamarožanyja jajcakletki mohuć zachoŭvacca 10 i bolš hadoŭ pry ŭmovie rehularnaj apłaty, a spyniajecca hety praces na padstavie piśmovaj zajavy žančyny, paśla čaho ŭ prysutnaści śpiecyjalnaj kamisii pravodzicca ich utylizacyja.
Košt pracedury składaje ŭ siarednim 3‑5 tysiač rubloŭ. Zachoŭvańnie — da 140 rubloŭ za 6 miesiacaŭ.
Ciapier čytajuć
Biełaruskaja i rasijskaja armii na biełaruskaj terytoryi trenirujucca nanosić jadzierny ŭdar18
Kamientary