Nacyjanalny bank Biełarusi vypuściŭ pamiatnyja maniety, pryśviečanyja XV Respublikanskamu fiestyvalu nacyjanalnych kultur. Prodaž pačniecca 26 maja.
Hetyja maniety pavodle zadumy majuć simvalizavać ideju šmatnacyjanalnaści i kulturnaj raznastajnaści krainy. Na aviersie (piarednim baku) raźmieščanyja dziaržaŭny hierb Biełarusi i nadpis «Respublika Biełaruś», a ŭ centry — vyjava dziaŭčyny ŭ nacyjanalnym stroi, što taksama adsyłaje da Hoda biełaruskaj žančyny. Na srebnaj maniecie ŭnizie paznačanaja proba mietału.
Na reviersie (advarotnym baku) adlustravanyja elemienty kultur roznych narodaŭ, jakija žyvuć u Biełarusi: arnamienty, simvały, litary. Nazvy nacyjanalnaściaŭ raźmieščanyja pa kole.
Vypuščanyja dva vidy maniet:
- srebnaja naminałam 20 rubloŭ, vahoj 33,63 h i dyjamietram 38,61 mm, tyraž — 2000 asobnikaŭ;
- miedna-nikielevaja naminałam 1 rubiel, vahoj 28,64 h i tym ža dyjamietram, tyraž — 7000 asobnikaŭ.
Abiedźvie maniety vykananyja ŭ jakaści «ancyrkulejted» (kalekcyjnaje vykanańnie), pryčym srebnaja maje dadatkova pazałotu.
Kupić ich možna budzie ŭ kasach Nacbanka. Košt składzie kala 70 rubloŭ za miedna-nikielevuju manietu i kala 590 rubloŭ za srebnuju. Pry hetym jany źjaŭlajucca zakonnym płaciežnym srodkam i mohuć vykarystoŭvacca dla raźlikaŭ u Biełarusi.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary