U Sievastopali i na terytoryi ŭsiaho akupavanaha Kryma praz błakadu Ukrainaj daroh pačalisia surjoznyja prablemy z palivam.
Z 31 maja bienzin Ai-92 i AI-95 u Sievastopali možna nabyć tolki pa śpiecyjalnych tałonach. Pryznačany Rasijaj kiraŭnik Sievastopala Michaił Razvažajeŭ patłumačyŭ, što na miascovych zapraŭkach z samaha ranku całkam raskupili sutačny limit paliva.
Ułady nazvali ŭviadzieńnie tałonaŭ časovym i vymušanym krokam, kab paźbiehnuć deficytu i papoŭnić reziervy.
Akramia taho, dziejničaje žorstkaje abmiežavańnie na prodaž paliva — nie bolš za 20 litraŭ. Padobnyja zachady napiaredadni zakranuli inšyja harady akupavanaha Kryma.
Kryzis z palivam uźnik z-za rezkaha skaračeńnia pastavak, vyklikanaha rehularnymi atakami ŭkrainskich bieśpiłotnikaŭ na stratehičnuju aŭtatrasu «Navarosija».
Hety naziemny kalidor złučaje Rastoŭ-na-Donie ź Simfieropalem praz zachoplenyja paŭdniovyja rehijony Ukrainy i ciapier źjaŭlajecca asnoŭnym maršrutam zabieśpiačeńnia Krymskaha paŭvostrava.
Pryznačany Rasijaj kiraŭnik akupavanaj častki Zaparožskaj vobłaści Jaŭhien Balicki paviedamiŭ, što ŭ rajonie Bierdzianska USU pačali dystancyjna miniravać hety šlach z dapamohaj BPŁA.
Pavodle jaho słoŭ, za sutki na padychodach da rehijona źbivajuć kala 100 bieśpiłotnikaŭ, adnak ich płyń zastajecca vielmi ščylnaj, tamu kiroŭcaŭ prosiać ustrymacca ad pajezdak.
Pavodle acenak ekśpiertaŭ, ukrainskaje vojska zdoleła prasunuć punkty zapusku dronaŭ bližej da linii frontu, što dazvoliła im uziać pad ahniavy kantrol łahistyku paŭdniovaha kirunku. Na dumku rasijskich vajennych analitykaŭ, hetaja taktyka nakiravana na poŭnuju izalacyju Kryma z pavietra šlacham błakiroŭki asnoŭnych transpartnych arteryj.
Ciapier čytajuć
Ździełka Trampa z Pucinym: čym za jaje mohuć zapłacić Ukraina i Biełaruś24
Ździełka Trampa z Pucinym: čym za jaje mohuć zapłacić Ukraina i Biełaruś
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski77
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski7
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy88
Kamientary