U Biełarusi adkryli siezon zboru čarnic, mnohija amatary cichaha palavańnia ŭžo chvalacca «ŭłovami» ŭ sacsietkach. Pieršyja ŭradžai ŭžo fiksujucca ŭ niekatorych rehijonach krainy, niahledziačy na toje, što masavy zbor hetych sinich jahad startuje ŭ pačatku lipienia, piša vydańnie Times.by.
Karystalnica Threads Alena raskazała, što čarnicy — heta adzinaje, dziela čaho jana hatovaja chadzić pa lesie hadzinami. Dziaŭčyna prymacavała fota, na jakim bačnyja 5‑litrovy bitončyk i nievialiki zban, davierchu napoŭnienyja jahadami.
Kamientatary pazajzdrościli praduktyŭnamu «ŭłovu» i pačali ŭdakładniać łakacyju. Adkaz byŭ karotki: Mahiloŭskaja vobłaść. Aŭtarka halinki abmierkavańnia dadała, što čarnicy ŭžo jość i ŭ Minskaj vobłaści.
Nie abyšłosia, viadoma, biez skieptykaŭ:
«Byvajem u lesie praktyčna štodnia, śpiełych čarnic nie bačyła jašče ni razu…»;
«Što za tryźnieńnie, jakija čarnicy ŭ siaredzinie červienia, nie ŭvodźcie ludziej u zman».
Niekatoryja karystalniki ŭ adkaz na fota z čarnicami dasłali zdymki sa śviežymi sunicami, jakija ŭžo taksama źjaŭlajucca ŭ biełaruskich lasach.
Pieršyja čarnicy ŭ lesie pad Mahilovam pakazała Volha. Jaje zdabyča trochi ściplejšaja.
A voś karystalniku pad nikam mezenin_max pašancavała ŭdvaja: jamu na vočy trapilisia nie tolki čarnicy, ale i lisički.
«Prabiehlisia siońnia paśla abiedu niedaloka ad doma ŭ les. Sucha, horača, lisički jość, ale doŭha davodziłasia šukać. Jahady jość, ale jašče tolki daśpiavajuć. Na daloki kardon jechać było lanota. Tym bolš vychadnyja. Patrebnyja daždžy! 20.06.2026», — raskazaŭ mužčyna.
U biełaruskich lasach užo źbirajuć pieršyja sunicy
La Chatyni sustreli miadźviedzicu ź miedźviedzianiatami
Jak uładkavany kłubničny biznes, chto najbolš na jahadach zarablaje i čamu ich časam vykidajuć
Na Kamaroŭcy źjavilisia parečki, a čarešni narešcie zraŭnialisia ŭ canie z kłubnicami
Łajfchak: jak pravieryć, jahady z Łuninca ci nie z Łuninca
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary
Tamu abmiežavańni na naviedvańnie lesa pa ŭsioj krainie.
Kab ludzi bolš u supiermarkietach byli.