Vydaviectva Univiersiteta Kazimira Vialikaha ŭ Bydhaščy vypuściła fundamientalny zbor publicystyčnaj spadčyny biełaruskaha palityka i muzykaznaŭcy mižvajennaha času Albina Stapoviča. Kniha — plon šmathadovaj pracy prafiesarki Aleny Hłahoŭskaj, piša Bellit.info.
Albin Stapovič (1894—1934) — adzin z najprykmietniejšych biełaruskich dziejačaŭ u Vilni ŭ 1920‑ia — 1930‑ia hady. Vykładčyk i kiraŭnik chora Vilenskaj biełaruskaj himnazii, vice-staršynia Biełaruskaj chryścijanskaj demakratyi, vydaviec haziety «Biełaruskaja krynica». Dva hady byŭ pradstaŭnikom biełaruskich intaresaŭ u polskim Sojmie (abrany pasłom u 1928 hodzie). Pamior u Vilni ŭ 1934 hodzie, pachavany na mohiłkach Rosy.
Za svajo niadoŭhaje žyćcio Stapovič napisaŭ niamała publicystyčnych artykułaŭ. Pačaŭšy ad natatak u «Našu Nivu» ŭ 1912 hodzie, nie spyniaŭ pracu da samych apošnich dzion. U knizie «Ad muzyki da palityki», układzienaj Alenaj Hłahoŭskaj, źmieščana bolš za 100 tekstaŭ ź biełaruskich haziet, pramovy pasła Stapoviča ŭ polskim parłamiencie, a taksama bolš za 90 artykułaŭ dla libieralnaj polskaj haziety Przegląd Wileński, jakaja vystupała za supracoŭnictva ź biełarusami.
Aprača samoha zboru publicystyki, jaki achoplivaje 450 staronak vialikaha farmatu, kniha źmiaščaje bahaty ilustratyŭny materyjał ź litoŭskich, polskich i biełaruskich archivaŭ. Asabliva vyłučajecca kompleks paštovak i fotazdymkaŭ 1910‑ch — 1930‑ch hadoŭ, jakimi z Alenaj Hłahoŭskaj padzialilisia naščadki Stapovičaŭ. Siarod ich niamała miesca addadziena listavańniu Albina z bratam Kanstancinam Stapovičam (paetam Kazimiram Svajakom). Fota i paštoŭki padadzienyja kalarovym drukam.
Zaviaršajecca kniha padrabiaznym biblijahrafičnym apisańniem, kudy ŭklučanyja archiŭnyja materyjały pra Albina Stapoviča, pryśviečanyja jamu navukovyja pracy, a taksama poŭnaja biblijahrafija jahonych ułasnych publikacyj.
Kniha Albina Stapoviča «Ad muzyki da palityki» źjaŭlajecca karysnym dapamožnikam pa historyi palityčnaj dumki Zachodniaj Biełarusi, a taksama hruntoŭnym daviednikam pa muzykaznaŭstvie. Abiedźvie prajavy Stapoviča padadzienyja ŭ hetym tomie ŭ poŭnym abjomie.
Ciapier čytajuć
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja7
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek44
Kamientary