Prapahanda rychtuje hramadstva da zahadkavaj «praciahłaj kamandziroŭki» Łukašenki
Alaksandr Łukašenka ranicaj 23 červienia na sustrečy z premjer-ministram Alaksandram Turčynym raskazaŭ pra zapłanavanuju chutkuju sustreču z Uładzimiram Pucinym i «doŭhaterminovuju kamandziroŭku» za miažu biez udakładnieńnia padrabiaznaściaŭ. Apošniaja svajoj zahadkavaściu vyklikała ŭ biełarusaŭ vialikuju cikavaść, tamu prapahandysty musiać niejak jaje tłumačyć.
Łukašenka ŭ razmovie z Turčynym adznačyŭ, što nieŭzabavie — 25‑26 červienia — budzie prachodzić XIII Forum rehijonaŭ Biełarusi i Rasii, jaki hetym razam arhanizavany ŭ Minsku i Minskaj vobłaści.
«Tamu treba budzie vam hetym zajmacca pierš za ŭsio, pakolki ŭ mianie tut praciahłaja kamandziroŭka, — aryjentavaŭ premjer-ministra Łukašenka. — I ŭ suviazi z hetaj praciahłaj kamandziroŭkaj — taksama jakija pytańni nam treba budzie vyrašać. Moža, jość prapanovy».
Mnohija źviarnuli ŭvahu, što hetaja raniej nie anansavanaja kamandziroŭka dziŭnym čynam nakładajecca na zakančeńnie terminu ŭltymatymu, pastaŭlenaha Łukašenku prezidentam Ukrainy Uładzimiram Zialenskim. U ŚMI i sacyjalnych sietkach stali vykazvacca roznyja viersii. Tamu pytańnie adnosna «doŭhaterminovaj kamandziroŭki» Łukašenki siarod inšych pačali tłumačyć i režymnyja prapahandysty.
Adnym ź ich surazmoŭcaŭ u prahramie «Vriemia Piervoho» staŭ sam Alaksandr Turčyn, jaki ŭ adkaz na śćviardžeńnie, što ciapier «mnohaje i na vašy plečy kładziecca», zapeŭniŭ, što ŭsio ŭ krainie dobra krucicca i biez ručnoha kiravańnia Łukašenki:
«Prezidentam vybudavana sistema dziaržaŭnaha kiravańnia, jakaja efiektyŭna pracuje. Tamu skazać, što ŭ čas adsutnaści kiraŭnika dziaržavy niešta kardynalnym čynam źmianiajecca, napeŭna, nie. Urad pracuje ŭ štatnym režymie, jak minimum 12—13 hadzin u dzień».
Dy i ŭvohule, maŭlaŭ:
«Kiraŭnik dziaržavy, u jakim by punkcie śvietu ni znachodziŭsia, zaŭsiody trymaje ruku na pulsie taho, što adbyvajecca ŭ našaj krainie».
Kiraŭnik Homielščyny nazvaŭ ultymatum Zialenskaha sprobaj źbić chvalu ŭ suviazi z udaram pa aŭtobusie ŭ Branskaj vobłaści
Łukašenka zaklikaŭ žycharoŭ Homielščyny nie chvalavacca z-za ŭltymatumu Zialenskaha adnosna retranślataraŭ
Jakija retranślatary na miažy maje na ŭvazie Ukraina?
Nivodzin łukašenkaŭski ŚMI i kanał nie vykarystaŭ słova «retranślatary». Što heta moža aznačać?
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk
Kamientary
Zialenski , 7 razoú podumaj .
samaje zabaŭnaje dla nas biełarusoŭ, heta toje, što prapahanda trymaje za jołupniaŭ i b...ła jakraz žalezabetonny lachtarat łukašesku. Im zaŭsiody dajuć dazavanuju infarmacyju. Heta biełarus moža pačytać niezaležnaje ŚMI, pasłuchać, spytać u razumnych, dumajučych ludziej. A łukašystu daduć tolki toje, što pałožana, uzhodniena. Heta ad jaho zaŭsiody zamoŭčvali niejkija asnavatvornyja pytańni :
Čyj Kola syn.
Ci raźviedzieny łukašesku.
Detali jaho pracy ŭ Viarchoŭnym Saviecie ci da Viarchoŭnaha Savietu.
Što tam było ŭ 19 hodzie z 29 intehracyjnymi kartami?
Dyk vahneraŭcy heta drenna (2020) ci dobra (2022)
Ci byŭ achoŭnikam u turmie?
Dzie byŭ padčas hałasavańnia za Deklaracyju ab suverenitecie Biełaruskaj SSR?
Ci prałasavaŭ proci Biełavieskich pahadnieńniaŭ (ci ŭsio ž heta byŭ Cichinia, a ŁUKAŠENKA nie hałasavaŭ, jak i zaraz kudyści źbieh, kali važnaje pytańnie hałasujecca)
Raźvie ty nie vidiš, dučie:
biez tiebia namnoho łučšie?
Uletaj skorieje, uletaj!