U Biełarusi źbirajucca spraścić pracaŭładkavańnie zamiežnych daktaroŭ i aptekaraŭ
Biełaruskija ŭłady płanujuć i dalej pašyrać śpis deficytnych prafiesij, a taksama razhladajuć mahčymaść admianić nieabchodnaść śpiecyjalnych dazvołaŭ dla asobnych katehoryj śpiecyjalistaŭ, u tym liku daktaroŭ-internaŭ i pravizaraŭ, paviedamiła pradstaŭnica Departamienta pa hramadzianstvie i mihracyi MUS Natalla Kulbickaja.
Pavodle słoŭ čynoŭnicy, u 2025 hodzie ŭ krainu na pracu pryjechali bolš za 48 tysiač zamiežnikaŭ i asob biez hramadzianstva, a za pieršy kvartał 2026 hoda — jašče bolš za 16 tysiač. Apošni raz rost pracoŭnaj mihracyi padobnaj intensiŭnaści naziraŭsia ŭ 2014 hodzie, kali ŭ Biełaruś stali masava pryjazdžali žychary akupavanych Rasijaj Danieckaj i Łuhanskaj abłaściej Ukrainy.
Z 2023 hoda ŭ Biełarusi dziejničaje sproščany paradak pracaŭładkavańnia zamiežnikaŭ pa prafiesijach, jakija ličacca deficytnymi. U takich vypadkach najmalnikam nie treba atrymlivać śpiecyjalny dazvoł. Pavodle źviestak MUS, amal 80 pracentaŭ zamiežnych rabotnikaŭ pracaŭładkoŭvajucca mienavita pa hetaj schiemie.
Pradstaŭniki dziaržaŭnych orhanaŭ adznačajuć, što biełaruskija najmalniki hatovyja prymać zamiežnych rabotnikaŭ, niahledziačy na dadatkovyja abaviazki. Pavodle zakanadaŭstva, pracadaŭca niasie adkaznaść za takoha supracoŭnika, a taksama zabiaśpiečvaje jamu sacyjalnyja harantyi i miedycynskaje absłuhoŭvańnie.
Razam z tym rost popytu na zamiežnuju pracoŭnuju siłu pryvioŭ da źjaŭleńnia niadobrasumlennych pasiarednikaŭ. Pavodle infarmacyi Minskaha harvykankama, niekatoryja autstafinhavyja kampanii raźmiaščajuć sumnieŭnyja vakansii, najmajuć zamiežnikaŭ, a zatym nakiroŭvajuć ich pracavać u inšyja rehijony, što moža supiarečyć patrabavańniam mihracyjnaha zakanadaŭstva.
Dla ŭzmacnieńnia kantrolu ŭ Saviet Ministraŭ užo ŭniesieny prajekt źmianieńniaŭ u zakon ab źniešniaj pracoŭnaj mihracyi. Prapanujecca stvaryć śpiecyjalny rejestr autstafinhavych ahienctvaŭ, vyznačyć ich abaviazki i ŭvieści adkaznaść za parušeńni pry pracaŭładkavańni zamiežnych hramadzian.
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ3
Kamientary
Na svoich prosto naplevali. Koho posadili, koho vydavili iz strany, koho uvolili.
Spasibo miedrabotnikam Biełarusi za to, čto oni diełali v 20-m hodu. I čužije žiźni spasali vo vriemia kovida, i svoi hołosa otstaivali pośle "vyborov".
Vsiehda uvažał našich miedikov. No tot hod podniał ich v moich hłazach na niedosiahajemuju vysotu.