Łukašenka paabiacaŭ vajskoŭcam nie pasyłać ich u «hetu bojniu» va Ukrainie
6 lipienia Alaksandr Łukašenka pryniaŭ udzieł va ŭračystaj cyrymonii ŭšanavańnia vypusknikoŭ vyšejšych vajskovych navučalnych ustanoŭ i pradstaŭnikoŭ najvyšejšaha aficerskaha składu, dzie zrabiŭ niekalki zajaŭ.
Padčas sustrečy Łukašenka adznačyŭ, što, maŭlaŭ, dadatkovym faktaram stratehičnaha strymlivańnia stali raźmiaščeńnie na terytoryi Biełarusi rakietnaha kompleksu «Arešnik» i taktyčnaj jadziernaj zbroi. Jon padkreśliŭ, što hetyja srodki nibyta pryznačanyja dla harantavańnia biaśpieki krainy, a nie dla pahroz inšym dziaržavam.
Razam z tym Łukašenka zajaviŭ, što vyniki niadaŭniaj pravierki bajavoj hatoŭnaści pakazali nieabchodnaść dalejšaha ŭdaskanaleńnia Uzbrojenych sił. Jon zaklikaŭ vypusknikoŭ i hienierałaŭ vykarystoŭvać svaje viedy i vopyt dla pavyšeńnia efiektyŭnaści vojska.
Zakranajučy mižnarodnuju situacyju, Łukašenka nazvaŭ hałoŭnaj krynicaj napružanaści ŭ rehijonie vajnu va Ukrainie. Jon taksama zajaviŭ pra nibyta kurs Jeŭrapiejskaha sajuza na militaryzacyju i tradycyjna abvinavaciŭ Zachad u viadzieńni suprać Biełarusi hibrydnaj vajny, jakaja ŭklučaje ekanamičny, palityčny i infarmacyjny cisk, a taksama pravakacyi na paŭdniovych miežach.
Pavodle słoŭ Łukašenki, Biełaruś vystupaje za mirnaje ŭrehulavańnie kanfliktu va Ukrainie i nie maje namieru ŭdzielničać u vajnie. Jon padkreśliŭ, što biełarusy nie žadajuć vajny, ale hatovyja abaraniacca ŭ vypadku nieabchodnaści.
«Asobnych zachodnich palitykaŭ prosta razdražniajuć našy samastojnaść i niezaležnaść. Naš sajuz z Rasijaj i addanaść mirnamu ŭrehulavańniu kanfliktu va Ukrainie.
Jašče raz padkreślivaju, pavažanyja tavaryšy, nichto vas u hetuju bojniu pasyłać nie budzie. Vajna nam nie patrebna, heta drenna, što vajna idzie va Ukrainie. My prychilniki mirnaha vyrašeńnia pytańniaŭ. Ale, jak ja skazaŭ, mižnarodnaja «partyja vajny» hetaha nie choča», — zajaviŭ Łukašenka.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam8
Kamientary
Śmiešno, sdierživanije v čiom i ot koho ???
Naskolko mnie iźviestno, kromie Rośsii, v Jevropie, nikto i nikuda, nie płanirovał i nie płanirujet napadať !
A v obŝiem dožiliś, suŝiestvovanije Biełarusi, kak niezavisimoho hosudarstva, zavisit ot ličnych otnošienii łukašienko i Si !
Jašče raz padkreślivaju, pavažanyja tavaryšy, nichto vas u hetuju bojniu pasyłać nie budzie."
Dumaju, čto piervyj abzac adriesovan putinu - čtoby pośle nieho skazať vtoroj. Tipa, vova, ja vaša navieki, no ch.. tiebie, a nie moi vojska. No i čiełoviekolubije tut iskať jen nado - situaciju ponimajet, škura doroha.