Alaksandr Łukašenka pryniaŭ z dakładam prezidenta Nacyjanalnaha alimpijskaha kamiteta Viktara Łukašenku. Pytańni tyčylisia nie tolki sportu.
«Dva pytańni, što tyčycca sportu. Unutranaja situacyja, asabliva paśla apošniaj narady (havorka pra naradu 16 červienia. — NN). Heta nie tolki chakiej, naturalna. I što ŭ nas na źniešnim treku atrymlivajecca? Chto tam nas nie pryznaje da hetaha času, chto pryznaŭ i hetak dalej», — akreśliŭ temy Łukašenka-starejšy.
Taksama jon prapanavaŭ abmierkavać kadravyja pytańni ŭ tym, što tyčycca spartyŭnaj śfiery.
Jon pacikaviŭsia mierkavańniem starejšaha syna ab tym, jak pracuje «kirujučaja trojka» ŭ sporcie ŭ składzie vice-premjera Natalli Piatkievič, jakaja kuryruje hety kirunak, profilnaha ministra Siarhieja Kavalčuka i samoha kiraŭnika NAK Viktara Łukašenki.
«Nakolki hetaja trojka pracazdolnaja?» — spytaŭ Łukašenka mierkavańnie Łukašenki pra Łukašenku.
Jašče adna tema dakłada, užo nie źviazanaja sa sportam, tyčyłasia piersanalnych zadač Viktara Łukašenki.
«U tym liku pytańnie dziaržaŭnaje, jakoje visić na tabie, — heta Aman, Arabskija Emiraty, Afryka častkova. Jak my tam pracujem, jak prasoŭvajucca prajekty, pra jakija my kazali ŭ ekanomicy?» — spytaŭ Łukašenka kiraŭnika alimpijskaha kamiteta.
-
Bolš za 60 čałaviek zatrymanyja paśla kancerta Maksa Karža ŭ Frankfurcie-na-Majnie. Sa sceny śpiavak zaklikaŭ spynić vajnu va Ukrainie
-
Ryžankoŭ spadziajecca na paciapleńnie adnosin z Polščaj
-
Protaijerej Andrej Lemiašonak paskardziŭsia na pravierki. I nazvaŭ pajezdki manašak Śviata-Jelisaviecinskaha manastyra pa Jeŭropie «hieraičnymi»
Kamientary
[Zredahavana]