Arhanizatary histaryčnaha fiestyvalu-rekanstrukcyi «Naš Hrunvald» paviedamili, što ŭ 2026 hodzie mierapryjemstva, jakoje tradycyjna pavinna było prajści ŭ kancy lipienia ŭ muziejnym kompleksie «Dudutki», nie adbudziecca.
Heta pieršy taki vypadak za apošnija šasnaccać hadoŭ, bo fiestyval bieśpierapynna pravodziŭsia z 2008 hoda.
U svajoj zajavie arhanizatary adznačyli, što da praviadzieńnia fiestyvalu była praviedzienaja vialikaja padrychtoŭčaja praca, jakaja doŭžyłasia niekalki miesiacaŭ. Adnak, pa ich słovach, abstaviny skłalisia takim čynam, što pravieści mierapryjemstva ŭ zapłanavanyja daty stała niemahčyma. Pryčyny admieny jany nie nazvali.
Zaraz arhanizacyjnaja kamanda razhladaje mahčymaść pieranieści fiestyval na inšy miesiac. Kali zrabić heta nie atrymajecca, padrychtoŭka da nastupnaha fiestyvalu pačniecca ŭžo ŭ nastupnym hodzie. Arhanizatary vykazali nadzieju, što «Naš Hrunvald» abaviazkova vierniecca ŭ «Dudutki».
Raniej u Biełarusi ŭžo byli admienienyja jašče niekalki fiestyvalaŭ, zapłanavanych na 2026 hod. Heta adbyłosia paśla ŭviadzieńnia novaha paradku arhanizacyi kulturna-vidoviščnych mierapryjemstvaŭ. Pavodle novych pravił, arhanizatary pavinny być uklučany ŭ śpiecyjalny dziaržaŭny rejestr, a dla praviadzieńnia kožnaha kancerta abo fiestyvalu nieabchodna atrymać asobnaje hastrolnaje paśviedčańnie ad miascovych orhanaŭ ułady. Z-za hetaha mahčymaści pryvatnych arhanizataraŭ pravodzić takija mierapryjemstvy istotna skaracilisia.
Ciapier čytajuć
Biełarusaŭ pa viartańni damoŭ na miažy ŭsio čaściej raździavajuć dahała19
Biełarusaŭ pa viartańni damoŭ na miažy ŭsio čaściej raździavajuć dahała
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2828
Kamientary