U Branskaj vobłaści ciškom admianili tradycyjny fiestyval «Słavianskaje adzinstva»
Padobna na toje, što «Słavianskaje adzinstva» skončyłasia — fiestyval družby Rasii i Biełarusi, miarkujučy pa ŭsim, byŭ cicha admienieny na fonie rasijskich vajennych prablem — za dva z troch zapłanavanych dzion nie prajšło nivodnaha mierapryjemstva, zaŭvažyŭ «Fłahštok».
Pryčynaj hetaha mahli pasłužyć prablemy na Branščynie, vyklikanyja vajennymi dziejańniami — ukrainskija drony i deficyt paliva.
Sioleta mierapryjemstvy byli zapłanavany na 27—29 červienia ŭ Branskaj vobłaści. Adnak pa stanie na siońniašni dzień nie adbyłosia nivodnaha publičnaha mierapryjemstva. Bolš za toje, biełaruskija i rasijskija dziaržaŭnyja ŚMI praktyčna pierastali zhadvać fiestyval.
Fiestyval uźnik u 1970‑ch hadach, kab padkreślić siabroŭskija adnosiny pamiž savieckimi BSSR, USSR i RSFSR. Praciahvali jaho pravodzić i paśla raspadu SSSR. Adnak paśla rasijskaha ŭvarvańnia va Ukrainu ŭ 2014 hodzie ŭkrainski bok pierastaŭ udzielničać u mierapryjemstvie. U apošnija hady fiestyval tradycyjna prachodziŭ u apošnija vychadnyja červienia, pa čarzie ŭ Branskaj i Homielskaj abłaściach.
Kamientary