Žychary ahraharadka Kałodnica Krupskaha rajona źviarnuli ŭvahu na niezvyčajnuju źjavu — na darohach i ŭ roznych miescach nasielenaha punkta pačali znachodzić miortvych kratoŭ. Pra heta paviedamili adpačyvalniki, a miascovyja žychary paćvierdzili, što takija vypadki nazirajucca nie tolki ŭ adnym miescy, piša «Minskaja praŭda».
Pa słovach adnoj ź miascovych žycharak, padčas prahułki pa dvuch pasiołkach Kałodnicy jana naličyła kala dvaccaci zahinułych žyvioł.
U suviazi z hetym uźnikła zaniepakojenaść, što suprać kratoŭ mahli vykarystoŭvać atrutnyja rečyvy. Ludzi aścierahalisia, što ŭ takim vypadku niebiaśpieka moža pahražać i inšym žyviołam abo ptuškam.
«Minskaja praŭda» źviarnułasia pa tłumačeńni ŭ Krupski rajonny centr hihijeny i epidemijałohii.
Pamočnik doktara-epidemijołaha Alaksandr Košaleŭ paviedamiŭ, što nijakich chimičnych mierapryjemstvaŭ źniščeńnia kratoŭ ni ŭ Kałodnicy, ni ŭ inšych nasielenych punktach rajona nie pravodziłasia. Takim čynam, viersija pra vykarystańnie atruty nie paćvierdziłasia.
Na dumku śpiecyjalista, najbolš vierahodnaj pryčynaj hibieli žyvioł staŭ siezonny pakos travy.
Kraty vielmi adčuvalnyja da mocnych vibracyj i šumu, jakija ŭźnikajuć padčas pracy trymieraŭ i inšaj kasilnaj techniki. U pieryjad aktyŭnaj kaśby jany mohuć pakidać svaje padziemnyja chady, paśla čaho stanoviacca lohkaj zdabyčaj dla drapiežnikaŭ abo nie vytrymlivajuć mocnaha stresu.
Ciapier čytajuć
Siarhiej Cichanoŭski zapuściŭ svoj jutub-kanał ź vieršami i kazkami59
Kamientary
PS
Kali chto zabyŭsia, dzie znachodzicca apošni BB, źviarniciesia u NN. Vam tam padkažuć hieałakacyju. Vy navat kamunalnyja zmožacie ź pieršaj sproby zapłacić.
U Minsku šumatalerantnaha krata chto-niebudź bačyŭ?