Biełarusy, jakija pryjechali ŭ Madryd na kancert repiera Kańje Uesta, vypadkova sustrelisia ŭ Muziei mastactva Prada. Zajmalnuju historyju raskazaŭ mastactvaznaŭca Mikita Monič.
Amierykanski repier Kańje Uest (Ye), jaki apošnija hady bolš viadomy skandalnymi antysiemickimi i pranacysckimi vykazvańniami, 30 lipienia vystupiŭ u Madrydzie. Na kancert pryjechali i biełarusy. Dla niekatorych ź ich pajezdka zapomniłasia nie tolki vystupam muzyki, ale i niečakanaj sustrečaj u Muziei Prada. Historyju raskazaŭ u sacsietkach mastactvaznaŭca Mikita Monič.
Usio pačałosia z ekskursii dla adnaho biełarusa, jaki pryjechaŭ u Madryd na kancert amierykanskaha repiera.
«Volny čas jość, tamu zranku ŭ Prada, uviečary na kancert», — kaža Mikita.
Padčas ahladu ekspazicyi vyśvietliłasia, što ŭ tym ža muziei znachodziacca siabry jahonaha hościa, jakija taksama pryjechali ŭ Madryd na kancert:
«Idziom my ź im, dajšli da Mona Lizy, našaj tut miascovaj, i vyśviatlajecca, što jahonyja siabry-znajomyja taksama pryjechali na kancert i tut, u Prada, bo biełarusy kulturnyja, u Prada iduć. I stała nas troje».
Adnak na hetym historyja nie skončyłasia.
«Sustrelisia my ŭžo z hetymi novymi biełarusami ŭ zale Boscha. Tolki ja pačaŭ raspaviadać pra śmiarotnyja hrachi, jak baču jašče dva čuvaki ad svajho aŭdyjahida adklučylisia i nas słuchajuć. I kažuć: «Oj, čuvać biełaruskuju movu, a my taksama biełarusy!» I voś nas užo piaciora», —
praciahvaje Monič.
«Bačycie, navat niejki muzyka (…), a ŭsio roŭna robić dobruju spravu tym, što biełarusy sustrakajucca la mastactva i znajomiacca z hetym samym mastactvam. Nu nie cud? Cud, — dzielicca svaimi emocyjami Monič i zaklikaje:
— Šukajcie adno adnaho i pa mahčymaści rabicie heta ŭ pryjemnych kulturnych miescach, naprykład u muziei, bo muziej — heta klova».
U minskim handlovym centry Palazzo sabrałasia daŭžeznaja čarha. Pa darmovych miadźviedzikaŭ!5
Kamientary