U Azierbajdžanie asudzili hrupu žurnalistaŭ. Jany atrymali da 15 hadoŭ źniavoleńnia
Vydańnie Toplum TV pisała pra karupcyju ŭ krainie
Azierbajdžanski sud vynies prysudy dzieviaci žurnalistam niezaležnaha ŚMI Toplum TV, jakoje, siarod inšaha, pisała pra karupcyju ŭ krainie. Dvoje zasnavalnikaŭ hetaha miedyja atrymali pa 15 hadoŭ pazbaŭleńnia voli. Ich abvinavacili ŭ finansavych złačynstvach, adnak u Azierbajdžanie takija praciahłyja terminy zvyčajna pryznačajuć tym, kaho pryznajuć vinavatymi ŭ dziaržaŭnaj zdradzie, piša Bi-bi-si.
Akif Hurbanaŭ i Rusłan Izzetli, suzasnavalniki Toplum TV, byli asudžanyja na 15 hadoŭ. Videaredaktar Mušfih Džabaraŭ, a taksama kaardynatary prajektaŭ Ilkin Amrachaŭ i Ramil Babajeŭ atrymali pa 13 hadoŭ. Ali Ziejnałaŭ, jaki zajmaŭsia navučańniem žurnalistaŭ, i zasnavalnik Toplum TV Aleskier Mamiedli byli asudžanyja na 14 hadoŭ. Reparcior Faryd Ismaiłaŭ i SMM-mieniedžar Elmir Abasaŭ atrymali pa 12 hadoŭ pazbaŭleńnia voli.
Pry hetym Mamiedli, viadomy ŭ krainie juryst u śfiery miedyja, ciapier ciažka chvory.
Toplum TV viadoma svaimi rasśledavańniami pra karupcyju ŭ azierbajdžanskich ministerstvach, siarod čynoŭnikaŭ i členaŭ ich siemjaŭ. Vydańnie taksama raspaviadaje pra realny stan ekanomiki, cenzuru i sacyjalnyja prablemy.
ŚMI padtrymlivaje svoj sajt, a taksama YouTube-kanał, jaki ciapier maje kala 100 tysiač padpisčykaŭ. Vydańnie praciahvaje pracu, ale ŭžo z novym składam redakcyi.
U sakaviku 2024 hoda palicyja praviała pieratrus u ofisie ŚMI ŭ Azierbajdžanie, apiačatała jaho i aryštavała amal uvieś skład redakcyi.
Pryniaty za dva hady da hetaha zakon ab dziejnaści ŚMI, jaki całkam zabaraniŭ zamiežnaje finansavańnie presy ŭ Azierbajdžanie, dazvoliŭ pradjavić supracoŭnikam vydańnia (jak i inšych niezaležnych miedyja) abvinavačańni ŭ kantrabandzie hrošaj. Paźniej da ich dadalisia abvinavačańni ŭ niezakonnym pradprymalnictvie, admyvańni srodkaŭ, uchileńni ad vypłaty padatkaŭ i padrobcy dakumientaŭ.
U rezalucyi Parłamienckaj asamblei Savieta Jeŭropy pieraśled žurnalistaŭ hetaha ŚMI byŭ nazvany «zahłušeńniem krytyčnych hałasoŭ» u Azierbajdžanie. U abaronu Toplum TV taksama vystupili pravaabarončyja arhanizacyi, u tym liku «Reparciory bieź miežaŭ», jakija zajavili, što žurnalisty stali «achviarami dziaržaŭnaha pieraśledu niezaležnych ŚMI ŭ Azierbajdžanie».
Ciapier čytajuć
Biełaruskaha Siniuju Baradu adpuścili z rasijskaj turmy pamirać doma7
Biełaruskaha Siniuju Baradu adpuścili z rasijskaj turmy pamirać doma
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu1313
Kamientary