Pad Minskam adkryli kramu sa śviežaj vypiečkaj pa receptach 1980‑ch
U haradskim pasiołku Mačuliščy źjaviłasia novaja krama z ułasnaj vypiečkaj, jakaja ŭžo paśpieła zavajavać papularnaść u miascovych žycharoŭ. Za haračymi bułačkami i piražkami siudy vystrojvajucca čerhi, piša pristalica.by.
Ideja adkryćcia kramy naležyć miascovamu pradprymalniku Vazhienu Ajrapiecianu, jaki bolš za 25 hadoŭ pracuje ŭ śfiery handlu i hramadskaha charčavańnia. Jon vyrašyŭ stvaryć miesca, dzie ludzi mahli b kuplać sapraŭdnuju śviežuju vypiečku, jakoj, pavodle jaho słoŭ, nie chapała ŭ pasiołku.
Asablivaść piakarni — vykarystańnie starych technałohij. Tut admovilisia ad sučasnych dabavak, kansiervantaŭ, zamarožanych paŭfabrykataŭ i razrychlalnikaŭ. Ciesta hatujuć pa receptach i technałahičnych kartach 1980‑ch hadoŭ, vykarystoŭvajučy tolki tradycyjnyja inhredyjenty: muku, vadu, cukar, sol i droždžy.
Dla vypiečki pastavili sapraŭdnyja podavyja piečy. Praces patrabuje šmat času i pracy: kab da 10‑j hadziny ranicy na pryłaŭkach źjavilisia śviežyja bułački, rabotniki pačynajuć pracu ŭžo kala 6‑j ranicy.
Asartymient kramy davoli šyroki. Tut pradajuć piražki z kapustaj i bulbaj pa 2,20 rubla, ź miasam abo viandlinaj i syram — pa 2,70 rubla, piražki ź jajkam i cybulaj — pa 2,50 rubla. Taksama jość sasiski ŭ cieście, pica, łavaš, syrnyja prasnaki z časnakom.
Dla amataraŭ sałodkaha prapanujuć bułački z makam i karycaj, śmiatańniki, a taksama pončyki z kremam i pavidłam, jakija stali adnymi z samych papularnych tavaraŭ.
Akramia vypiečki, mahazin pracuje jak zvyčajnaja krama «kala doma»: tam možna nabyć kaŭbasy, vendžaninu, małočnyja pradukty, čyrvonuju rybu, ikru, srodki hihijeny i kancylarskija tavary.
Novy handlovy punkt znachodzicca ŭ Mačuliščach na vulicy Hvardziejskaj, 10a.
U biełaruskich kaviarniach pačali pradavać papularny polski desiert
Aściarožna: u viehanskich praduktach udvaja bolš charčovych dabavak, čym u miasnych anałahach
U Minsku adkryŭsia novy restaran biełaruskaj kuchni — «Paluški» sa stravami pa receptach lehiendarnaj Aleny Branisłavaŭny
U Minsk-Śviecie adkryłasia krama, u jakoj možna zamović picu ŭ kasira. Zrobiać za try chviliny
U Biełarusi znajšli kopiju šviejcarskich Alpaŭ — ale turystaŭ tam nie čakajuć2
Kamientary