Kamandujučy NATA nie havaryŭ pra ŭdary pa Biełarusi ŭ vypadku napadu Rasii ź jaje terytoryi. Heta ahučvałasia ŭ raniejšaj stratehii
Hałoŭnakamandujučy abjadnanymi siłami NATO ŭ Jeŭropie, amierykanski hienierał Aleksus Hrynkievič na Varšaŭskim forumie biaśpieki publična apisaŭ novuju vajskovuju stratehiju Aljansu na vypadak napadu Rasii na ŭschodni fłanh. My ŭ našym pierakazie jaho vystupu spałučyli jaho vykazvańni z apisańniem raniej ahučanych płanaŭ NATO.
Kancepcyja pad nazvaj «Teoryja pieramohi» (Theory of Victory) praduhledžvaje «razhrom praciŭnika za try etapy».
Na pieršym etapie, jaki atrymaŭ nazvu Block («Błakavać»), siły NATO musiać adbić pieršapačatkovuju ataku. Kali praciŭnik praciahnie nastup, aljans piarojdzie da druhoha etapu — Blunt («Asłabić udar»). Jaho zadača — pazbavić nastupalnyja vojski mahčymaści prasoŭvacca dalej.
Treci etap — Break («Razhramić») — praduhledžvaje źniščeńnie nie tolki nastupalnych padraździaleńniaŭ, ale i ŭsioj vajennaj sistemy, jakaja zabiaśpiečvaje ich dziejańni. Dla hetaha NATO płanuje pierarezać šlachi zabieśpiačeńnia, vyvieści z ładu sistemy kamandavańnia i pazbavić atakujučyja vojski bajazdolnaści.
Zahałovak artykuła «Našaj Nivy» «Kamandujučy NATA Hrynkievič: U vypadku napadu Rasii ŭdary buduć naniesienyja pa Biełarusi, Kalininhradzie i Pieciarburhu» byŭ niekarektny, bo jon prypisvaje hetyja słovy samomu Hrynkieviču. Hrynkievič u svaim vystupie hetaha nie kazaŭ.
U toj ža čas raniej paviedamlałasia, što, zhodna sa stratehijaj, raspracavanaj NATO, kali Rasija napadzie, NATO maje namier nanosić udary pa rasijskich kamandnych punktach i sistemach SPA na tych kirunkach, ź jakich napad budzie ažyćcioŭleny. Kali ź Biełarusi — to pa Biełarusi, kali z Kalininhradskaj vobłaści i z rajona Pieciarburha — to pa ich. Meta takich udaraŭ u tym, kab pazbavić praciŭnika pieravahi ŭ pavietry i adkryć šlach dla kontrnastupu.
Pierakaz vystupu Hrynkieviča, zrobleny ŭ «Našaj Nivie» pavodle The Wall Street Journal, byŭ niedakładny. Prosim prabačeńnia za heta. Adnak sutnaść pytańnia była pieradadzienaja pravilna. Kali Biełaruś stanie płacdarmam dla rasijskaj ahresii, jana stanie i zonaj bajavych dziejańniaŭ.
-
Biełaruski muziej imia Ivana Łuckieviča rychtuje vystavu da 120‑hodździa «Našaj Nivy» i prosić dapamahčy z ekspanatami
-
«Naša Niva» atrymała try žurnalisckija premii. Siarod pieramožcaŭ Buhaj i Roŭda
-
Cichanoŭski i Piatruchin raspaŭsiudzili novuju łabudu: što palitviazień Papoŭ atrymaŭ 16 hadoŭ turmy z-za publikacyi «NN»
Ciapier čytajuć
Cichanoŭski: Cichanoŭskaj možna było ŭ 2020‑m nie pabajacca turmy. I, moža, u biełarusaŭ byŭ by šaniec121
Kamientary