Prychilniki zachavańnia Albierty ŭ składzie Kanady razhromna lidzirujuć na refierendumie
Usiaho na plebiscyt było vyniesiena 10 pytańniaŭ, ale asnoŭnaje było sfarmulavana nastupnym čynam: «ci pavinna Albierta zastavacca pravincyjaj Kanady, ci ŭrad Albierty pavinien raspačać jurydyčnuju praceduru dla vychadu sa składu Kanady».
Papiarednija vyniki paśla padliku bolš čym miljona biuleteniaŭ (prava hołasu majuć krychu bolš za try miljony vybarcaŭ) taksama śviedčać pra značnuju pieravahu prychilnikaŭ idei zastacca ŭ składzie Kanady, piša SBS.ca.
Padličana na hety momant, što za toje, kab Albierta zastavałasia ŭ składzie Kanady, prahałasavali 76,6% vybarščykaŭ (955 tysiač čałaviek), a za praviadzieńnie refierendumu ab vychadzie z Kanady vykazvajucca 23,4% (292 tysiačy). Pryčym u bujnych haradach padtrymka idei zastacca ŭ składzie Kanady kudy vyšejšaja.
Albierta — hałoŭnaja nafta– i hazazdabyŭnaja pravincyja Kanady: na jaje prypadaje kala 80% naftazdabyčy ŭ krainie. Pry hetym syraja nafta — hałoŭny artykuł kanadskaha ekspartu: letaś jana pryniesła 142 młrd kanadskich dalaraŭ (100 młrd dalaraŭ ZŠA).
Raźmieščanaja na zachadzie Kanady Albierta nie maje vychadu da akijana, i bolšaja častka jaje nafty ekspartujecca na naftapierapracoŭčyja zavody ŭ ZŠA.
Prychilniki niezaležnaści skardziacca, što pravincyja addaje zanadta šmat hrošaj centralnamu ŭradu i zanadta mała atrymlivaje ŭzamien. Jany nahadvajuć, što pa abjomie zapasaŭ nafty Albierta zajmaje čaćviortaje miesca ŭ śviecie paśla Vieniesueły, Saudaŭskaj Aravii i Irana.
Adnak praciŭniki niezaležnaści, siarod jakich i premjer-ministr Albierty Daniel Śmit, śćviardžajuć, što ŭ vypadku adździaleńnia ad Kanady pravincyi daviadziecca štohod tracić na stvareńnie novaj dziaržavy ad 50 da 170 młrd kanadskich dalaraŭ (35—120 młrd dalaraŭ ZŠA) na praciahu pieršych piaci hadoŭ.
Niezaležnaj Albiercie daviałosia b stvarać usie dziaržaŭnyja ŭstanovy — ad padatkovaj słužby da Ministerstva zamiežnych spraŭ i Ministerstva abarony, raspracoŭvać i prymać ułasnuju kanstytucyju, budavać svaju sudovuju sistemu, a taksama dzialić z Kanadaj fiederalnuju majomaść, u tym liku nacyjanalnyja parki i vajskovyja bazy. Akramia taho, jak papiaredžvajuć praciŭniki adździaleńnia, Albiercie daviałosia b uziać na siabie praparcyjanalnuju dolu dziaržaŭnaha doŭhu Kanady.
Ciapier čytajuć
Sofja Sapieha: Pratasievič nahavaryŭ na mianie ceły tom kryminalnaj spravy46
Sofja Sapieha: Pratasievič nahavaryŭ na mianie ceły tom kryminalnaj spravy
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary
Jak jany musiać pracavać u krai, dzie pałova nasielnictva - naščadki emihrantaŭ pačatku 20 st., a druhaja - emihranty pačatku 21 st.