Ministr unutranych spraŭ Turcyi Mustafa Čyftčy zajaviŭ, što va ŭsich 81 pravincyjach krainy zaviaršyli kampaniju pa adłovie biazdomnych vuličnych žyvioł. Ich raźmiaścili ŭ prytułkach abo śpiecyjalna stvoranych zonach dla naturalnaha žyćcia. Dohlad, lačeńnie i vakcynacyja žyvioł praciahvajucca, piša ahienctva Anadolu.
Pavodle słoŭ ministra, kampanija prachodziła ŭ dva etapy. Spačatku jaje pačali ŭ 51 pravincyi, jakija nie majuć statusu bujnych haradskich ahłamieracyj, a zatym — jašče ŭ 30 pravincyjach sa statusam miehapolisaŭ.
Mustafa Čyftčy paviedamiŭ, što da sierady, 21 kastryčnika, u Turcyi dasiahnuli pastaŭlenaj mety: usich zapłanavanych da adłovu biazdomnych žyvioł zabrali z vulic i pieravieźli ŭ prytułki abo zony dla naturalnaha žyćcia. Apošniuju takuju žyviołu ŭziali pad apieku ŭ horadzie Dyjarbakyry na paŭdniovym uschodzie Turcyi.
U miežach kampanii municypalitety i adpaviednyja słužby pabudavali prytułki i śpiecyjalnyja terytoryi dla žyvioł. Akramia adłovu pravodzilisia lačeńnie, sterylizacyja i pošuk haspadaroŭ.
U prytułkach praciahvajuć sačyć za stanam zdaroŭja žyvioł, zabiaśpiečvać ich charčavańniem i rabić pryščepki. Taksama praciahvajecca pieradača žyvioł novym haspadaram.
Hetyja minskija katy majuć ułasny harderob i naviedvajuć restarany — jak žyviecca Azuru i Prušy FOTY
Pachavać zakonna svajho chatniaha lubimca ŭ Biełarusi možna tolki ŭ žyviolny mohilnik. Parušeńnie zakonu vyhladaje bolš maralna prymalnym dla mnohich
U Šatłandyi siamja znajšła svaju kotku praz šeść hadoŭ paśla taho, jak jana zhubiłasia
Biełaruska, ułaśnica restarana ŭ Batumi, apynułasia ŭ centry skandału z sabakami
U Brytanii źnikłaha kata znajšli praz hod za 160 kiłamietraŭ ad doma ŭ prytułku dla biazdomnych žyvioł
Ciapier čytajuć
Cichanoŭski: Cichanoŭskaj možna było ŭ 2020‑m nie pabajacca turmy. I, moža, u biełarusaŭ byŭ by šaniec114
Kamientary
Małajcy, turki!