U handlovym centry pad Minskam naciahnuli sietku dla adłovu ptušak. Naviedniki zabili tryvohu
U handlovym centry «Jarki» ŭ Minskim rajonie pastavili śpiecyjalnuju sietku dla adłovu ptušak, jakija z nadychodam chaładoŭ zalatajuć u pamiaškańni ŭ pošukach ciapła. Heta vyklikała abmierkavańnie ŭ sacyjalnych sietkach: karystalniki śćviardžali, što ptuški traplajuć u pastku i hinuć, piša vydańnie pristalica.by.
U administracyi handlovaha centra patłumačyli, što ptuški ŭ handlovych załach stvarajuć niazručnaści dla naviednikaŭ, a taksama znachodžańnie tam moža być škodnym i dla samich ptušak. Tamu sioleta vyrašyli vykarystoŭvać śpiecyjalnuju sietku. Pavodle pradstaŭnikoŭ administracyi, ptušak, jakija traplajuć u jaje, adrazu vyzvalajuć i vypuskajuć na volu.
29 kastryčnika handlovy centr naviedali śpiecyjalisty Minskaj rajonnaj inśpiekcyi pryrodnych resursaŭ i achovy navakolnaha asiarodździa, a taksama zanalnaha centra hihijeny i epidemijałohii.
Pravierka nie znajšła parušeńniaŭ pryrodaachoŭnaha zakanadaŭstva z boku administracyi handlovaha centra. Infarmacyja pra hibiel ptušak praz zabłytvańnie ŭ sietkach nie paćvierdziłasia. Ptušak, jakich znajšli ŭ sietkavych kanstrukcyjach, svoječasova vyzvalili i vypuścili ŭ naturalnaje asiarodździe.
Pry hetym znachodžańnie vierabjoŭ, hałuboŭ i inšych ptušak u handlovych załach supiermarkietaŭ i kramaŭ u Biełarusi ličycca surjoznym parušeńniem sanitarnych normaŭ. Ptuški mohuć pieranosić infiekcyjnyja zachvorvańni i zabrudžvać pradukty charčavańnia.
Načalnik Minskaj rajonnaj inśpiekcyi pryrodnych resursaŭ i achovy navakolnaha asiarodździa Rusłan Kitoŭ paviedamiŭ, što administracyi «Jarkaha» nakirujuć aficyjny list z patrabavańniem pryniać kompleks mier, kab nie dapuskać traplańnia ptušak na terytoryju handlovaha centra i ŭ jaho kanstrukcyi.
Ciapier čytajuć
KDB zapuściŭ novy bot u telehramie dla viarboŭki biełarusaŭ za miažoj. Prapanujuć rasklejvać ulotki, fatahrafavać abjekty i «niešta inšaje»9
Kamientary
[Zredahavana]
[Zredahavana]