У гандлёвым цэнтры пад Мінскам нацягнулі сетку для адлову птушак. Наведнікі забілі трывогу
У гандлёвым цэнтры «Яркі» ў Мінскім раёне паставілі спецыяльную сетку для адлову птушак, якія з надыходам халадоў залятаюць у памяшканні ў пошуках цяпла. Гэта выклікала абмеркаванне ў сацыяльных сетках: карыстальнікі сцвярджалі, што птушкі трапляюць у пастку і гінуць, піша выданне pristalica.by.
У адміністрацыі гандлёвага цэнтра патлумачылі, што птушкі ў гандлёвых залах ствараюць нязручнасці для наведнікаў, а таксама знаходжанне там можа быць шкодным і для саміх птушак. Таму сёлета вырашылі выкарыстоўваць спецыяльную сетку. Паводле прадстаўнікоў адміністрацыі, птушак, якія трапляюць у яе, адразу вызваляюць і выпускаюць на волю.
29 кастрычніка гандлёвы цэнтр наведалі спецыялісты Мінскай раённай інспекцыі прыродных рэсурсаў і аховы навакольнага асяроддзя, а таксама занальнага цэнтра гігіены і эпідэміялогіі.
Праверка не знайшла парушэнняў прыродаахоўнага заканадаўства з боку адміністрацыі гандлёвага цэнтра. Інфармацыя пра гібель птушак праз заблытванне ў сетках не пацвердзілася. Птушак, якіх знайшлі ў сеткавых канструкцыях, своечасова вызвалілі і выпусцілі ў натуральнае асяроддзе.
Пры гэтым знаходжанне вераб’ёў, галубоў і іншых птушак у гандлёвых залах супермаркетаў і крамаў у Беларусі лічыцца сур’ёзным парушэннем санітарных нормаў. Птушкі могуць пераносіць інфекцыйныя захворванні і забруджваць прадукты харчавання.
Начальнік Мінскай раённай інспекцыі прыродных рэсурсаў і аховы навакольнага асяроддзя Руслан Кітоў паведаміў, што адміністрацыі «Яркага» накіруюць афіцыйны ліст з патрабаваннем прыняць комплекс мер, каб не дапускаць трапляння птушак на тэрыторыю гандлёвага цэнтра і ў яго канструкцыі.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу5
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары
[Зрэдагавана]
[Зрэдагавана]