Kažuć, što prychodziać ad dajarak da palavoda.
U ahraharadku Biarozki Chocimskaha rajona Mahiloŭskaj vobłaści, dzie žyvie kala 500 čałaviek, adkryŭsia manikiurny kabiniet. Pakul jon pracuje ŭ testavym režymie, raskazali na ANT.
Idejny natchnialnik prajekta Alaksiej Karsiuk pierajechaŭ u Biarozki sa stalicy: zachaciełasia pasprabavać spakojnaha viaskovaha žyćcia. Spačatku jon arandavaŭ pustyja pamiaškańni i adkryŭ punkt vydačy zakazaŭ.
«Pryniali maksimalna dobra. Navat babuli chadzili, uśmichalisia i padmirhvali: «Tut niešta adkryvajecca? Supier!»
Zapis na manikiur idzie žvava. Zahadčyca małočna-tavarnaj fiermy «Biarozki» Aksana Michalenka, naprykład, daŭno maryła pra pryhožy manikiur, ale majstra ŭ vioscy nie było, a jeździć u rajcentr daloka i doŭha.
«Ciapier haspadarka ŭ ludziej užo mienšaja, aharody jość, ale ŭsio roŭna ludzi da hetaha imknucca. I staryja chodziać manikiur robiać».
«A što! U vioscy taksama pryhažość lubiać, taksama chočuć być pryhožymi. I my budziem pryhožymi, navat lepšymi, čym u horadzie», — kaža miascovaja žycharka Natalla Paciochina.
«Ja svaju žonku abaviazkova adpraŭlu, kab zrabiła ŭsio jak treba, była jak kvietka. Paznohciki, fryzura i vusny padfarbavanyja, kab usio jak treba było. Usio ž i apietyt źjavicca (śmiajecca). Da žyćcia, ja maju na ŭvazie», — padzialiŭsia jašče adzin viaskoviec.
Miascovyja ŭłady ideju padtrymlivajuć.
«Chłopcy, viadoma, małajcy, vielmi enierhičnyja, aktyŭnyja. Jany nie stajać na miescy, u ich vielmi vialikija płany, u jakich my ich budziem padtrymlivać. Praviadziom apytańnie žycharoŭ, čaho nie staje ahraharadku, i prapracujem pytańnie dalejšaha raźvićcia, mahčyma, adkryćcia čahości novaha, nieabchodnaha», — kaža načalnica adździeła ekanomiki Chocimskaha rajvykankama Volha Hałanava.
Ciapier čytajuć
Syn ministra Kubrakova staŭ načalnikam Centralnaha RUUS Minska. Major, ale budzie kiravać pałkoŭnikami4
Syn ministra Kubrakova staŭ načalnikam Centralnaha RUUS Minska. Major, ale budzie kiravać pałkoŭnikami
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary
Praz takuju pahardu mohuć samaśćviardžacca tolki tyja, chto sam niadaŭna pierajechaŭ u horad i bolš ničoha ź siabie nie pradstaŭlaje.
Prahnazuju tut pierapis elitnych žartaŭnikoŭ-mankurtaŭ.