Dzie i jak biełarusy na vyhnańni ŭšanujuć pamiać achviaraŭ «Nočy rasstralanych paetaŭ». Raskład mierapryjemstvaŭ

Raniej akcyja tradycyjna ładziłasia ŭ Kurapatach. Ale sa zrazumiełych pryčyn apošnija hady mierapryjemstvy «Nočy rasstralanych paetaŭ» prachodziać za miažoj. «Budźma» zrabiła raskład imprezaŭ pamiaci pa datach i miescach. Dałučajciesia da akcyi ŭ svaim horadzie.

Bierlin, Hiermanija

U čaćvier, 29 kastryčnika, u Bierlinie ładziać Noč (nie)rasstralanych paetaŭ.

Vas čakaje sustreča sa źniščanaj biełaruskaj litaraturaj.

Udzieł biaruć Alena Aharełyšava, Jarasłava Ananka, Alhierd Bacharevič, Śvieta Bień, Źmicier Če, Jula Cimafiejeva, Uładzimir Hramovič, Julija Kojfman, Kupra, Džordan Li Šni, Inha Lizienhievič, Madmapper, Ženia Oks, Dźmitryj Strocaŭ, Źmicier Višnioŭ, Nina Vieler, Cina Viunšman, Viktar Žybul i Viera Burłak (praź videazvarot) dy inšyja.

Polšča

Biełastok

U niadzielu, 25 kastryčnika, u Biełastoku adbudziecca lekcyja daśledčycy, stvaralnicy Virtualnaha muzieja savieckich represijaŭ dy ekskursavodki Valeryi Čarnamorcavaj «Noč (nie)rasstralanych (nie tolki) paetaŭ».

Šmat chto ź biełarusaŭ niešta čuŭ pra Noč paetaŭ, ale ŭ tuju strašnuju noč z 29 na 30 kastryčnika 1937 u Miensku byli rasstralanyja nie tolki paety, ale šmatlikija biełaruskija navukoŭcy, vykładčyki, dziaržaŭnyja i kulturnyja dziejačy.

Siarod 132 viadomych zaraz imionaŭ litarataraŭ było tolki 22.

Pra historyju hetaje nočy, pra toje, jak jana stała viadomaj, i pra toje, jak atrymałasia nasupierak sučasnaj tatalitarnaj dziaržavie stvaryć siarod šyrokaj biełaruskaj hramadskaści tradycyju ŭšanavańnia pamiaci represavanych papiarednikaŭ i pojdzie hutarka na lekcyi.

Uvachod volny, danaty lektarcy vitajucca.

Varšava

U čaćvier, 29 kastryčnika, u Varšavie adbudziecca Noč paetaŭ.

Sustreča, pryśviečanaja pamiaci biełaruskich paetaŭ, piśmieńnikaŭ i pradstaŭnikoŭ intelihiencyi, zabitych padčas stalinskich represij, asabliva ŭ noč z 29 na 30 kastryčnika 1937 hoda.

Padčas imprezy pryhadajuć šlach ad biełarusizacyi da stalinskaha teroru, pahavorać pra historyju Kurapataŭ i samu akcyju «Noč rasstralanych paetaŭ».

Paznajomiciesia z historyjaj biełaruskaha kulturnaha adradžeńnia i litaraturnaj spadčynaj tych, chto zahinuŭ, ale pakinuŭ paśla siabie tvory, jakija praciahvajuć žyć.

Buduć čytać vieršy rasstralanych paetaŭ pa-biełarusku i pa-polsku.

Mova sustrečy — polskaja.

U Muziei Volnaj Biełarusi adbudziecca impreza «Noč (nie)rasstralanych paetaŭ».

Vas čakaje viečar ušanavańnia pamiaci achviaraŭ stalinskaha teroru: pradstaŭnikoŭ intelektualnaj i tvorčaj elity, rasstralanych u noč z 29 na 30 kastryčnika 1937 hoda, a taksama ŭsich achviaraŭ savieckich represij.

Hdańsk

30 kastryčnika, u piatnicu, u Hdańsku adbudziecca impreza «Noč Paetaŭ. Niemata i kryki Mojše Kulbaka».

U noč z 29 na 30 kastryčnika 1937 hoda ŭ minskaj turmie NKUS i va ŭročyščy Kurapaty byli rasstralanyja bolš za 130 pradstaŭnikoŭ intelihiencyi: paetaŭ, piśmieńnikaŭ, navukoŭcaŭ, dziaržaŭnych i hramadskich dziejačaŭ.

Na nastupnyja dziesiacihodździ značnaja častka litaraturnaj spadčyny była vykraślena z aficyjnaj historyi: imiony tvorcaŭ zabaranialisia, a ich tvory vymalisia z užytku.

Prapanujuć usłuchacca ŭ adzin z hałasoŭ, što zamoŭk u tuju noč.

Uvachod volny.

Krakaŭ

29 kastryčnika, u čaćvier, biełarusy Krakava dałučajucca da mižnarodnaj akcyi «Noč paetaŭ» i ładziać viečar pamiaci.

Zhadajuć pra padziei 1937 hoda i začytajuć vieršy achviaraŭ taho dnia.

Voś jakaja prahrama:

• 19:00 — 20:00 «Na chvalach vohniennaha mora…». Los i tvorčaść rasstralanych paetaŭ. Teatralizavana-interaktyŭnaje čytańnie ad Vasila Drańko-Majsiuka i Aleny Bajaravaj

Biełaruskija paety 1920‑ch byli praŭdzivymi zorkami. Ich vieršami pryznavalisia ŭ kachańni, fotapartrety ŭpryhožvali pakoi studentaŭ i studentak, knihi raskuplivalisia, vieršy i paemy zavučvalisia na pamiać

Duet začytaje najlepšyja tvory rasstralanych kłasikaŭ. Vy pačujecie zabytyja šedeŭry, daviedajeciesia šmat novaha pra toj čas i našych piśmieńnikaŭ.

• 20:15 — 21:15 Vystup Fiodara Žyvaleŭskaha z hurta «Hołaja manaška»

Vas čakaje ŭtulny kancert pad hitaru i najlepšyja pieśni spadara Fiodara.

Uvachod — volny danat.

Poznań

U subotu, 31 kastryčnika, u Baraku Kultury adbudziecca muzyčna-paetyčny viečar «Noč rasstralanych paetaŭ», pryśviečany achviaram nočy z 29 na 30 kastryčnika 1937 hoda, kali ŭ Minsku byli rasstralanyja bolš za 100 čałaviek.

U prahramie:

• Vystup Poznański Śpieŭny Schod
• Lekcyja, pryśviečanaja padziejam 1937 hoda
• Volny mikrafon — mahčymaść padzialicca svaim lubimym vieršam u temu viečara

Dałučajciesia, kab razam ušanavać pamiać tych, čyje hałasy praciahvajuć hučać praz hady.

Impreza budzie na biełaruskaj movie.

Uvachod volny. Rehistrujciesia praz mejł [email protected].

Urocłaŭ

30 kastryčnika zaprašajuć uspomnić biełaruskich paetaŭ, piśmieńnikaŭ i dziejačaŭ kultury, zabitych savieckim režymam, i pačuć hałasy tych, kaho nie zdoleli prymusić maŭčać. Admysłova napisany scenar pieraniasie ŭ 30‑ia hady XX st., kali tvorcy byli žyvyja, a ich dumki svabodna viravali ŭ kulturnaj prastory.

Čas — 18.30, adras — Ruska, 46a (CUKR).

Vilnia, Litva

U Vilni biełarusy tradycyjna źbiarucca 29 kastryčnika la Łukišskaj płoščy la muzieja «Akupacyi i baraćby za svabodu» ( Aukų g. 2A). Pačatak a 19:30

Ukraina, Kijeŭ

U čaćvier, 29 kastryčnika, u Kijevie ładziać imprezu da Nočy paetaŭ.

Prychodźcie razam uzhadać žyćci zahinułych litarataraŭ dy pahutaryć pra paraleli ŭ biełaruskaj i ŭkrainskaj historyi.

U druhoj častcy viečara adbudziecca adkryty mikrafon dla ŭsich žadajučych začytać prozu abo paeziju pad muzyčny akampaniemient.

Uvachod — pasilny danat hatoŭkaj abo na banku. Za sumu ad 200 hrn vas čakaje vełkam drynk.

Paryž, Francyja

U piatnicu, 30 kastryčnika, u Paryžy ładziać viečarynu da Nočy paetaŭ.

U prahramie: čytańni vieršaŭ (nie)rasstralanych paetaŭ, apovied pra ich losy, lityja pa zabitych

Prynoście lubimyja vieršy i štości da harbaty.

Uvachod volny.

Talin, Estonija

U čaćvier, 29 kastryčnika, biełarusy Estonii dałučajucca da akcyi «Noč (nie)rasstralanych paetaŭ», kab ušanavać pamiać achviar teroru, rasstralanych u noč z 29 na 30 kastryčnika 1937 hoda.

Udzieł biare Śviatłana Cichanoŭskaja.

Paśla čytańnia vieršaŭ možna budzie abmierkavać biełaruskija pytańni za kubkam harbaty razam sa spadaryniaj Śviatłanaj.

U Vilni akcyja pamiaci budzie mieć miesca 29 kastryčnika, a 19:30, la muzeja «Akupacyi i baraćby za svabodu», Aukų g. 2A.

• 2
• 0
• 0
• 1
• 0
• 1
• 0
• 2